მას შემდეგ, რაც ლანჩხუთის კულტურის დაწესებულებათა გაერთიანებაში ახალი ხელმძღვანელი დაინიშნა, როგორც მოსალოდნელი იყო სისტემაში გარკვეული რეორგანიზაცია განხორციელდა. ამის შედეგიკი საკმაოდ მოულოდნელი გამოდგა, რამდენიმე წლის წინ საზეიმო ვიტარებაში სახალხო ანსამბლის წოდების მინიჭებულ ანსამბ „მხედრებს“ ფუნქციონირება შეუწყვიტეს.
ამ გადაწყვეტილების მიზეზად კულუარებში რამდენიმე ვერსია სახელდება. ერთ-ერთი ვერსიით ბიუჯეტში თანხის დაზოგვას ასახელებენ. ზოგი კი ამბობს, რომ მთავარი მიზეზი ანსამბლის ხელმძღვანელი მელის ნადირაძეს უკავშირდება. საქმე ისაა, რომ მელის ნადირაძე თავის დროზე კულტურის დაწესებულებათა გაერთიანებიდან,სხვა რამდენიმე თანამშრომელთან ერთად გაათავისუფლეს. მაშინ ლანჩხუთის მერს, ალექსანდრე სარიშვილსა და კულტურის გაერთიანებათა მაშინდელ ხელმძღვანელს, დავით წერეთელს დისკრიმინაციასა და უსამართლო გადაწყვეტილებებში ადანაშაულებნენ სამსახურიდან გაშვებულები. მოგვიანებით, ამ საკითხზე, მელის ნადირაძემ სასამართლო დავაც კი მოუგო ლანჩხუთის მუნიციპალიტეტს. ჰოდა, ახლა მავანნი ალექსანდრე სარიშვილს შურისძიებაში სდებენ ბრალს და ამბობენ, რომ ანსამბლის გარეშე დარჩენილი ქორეოგრაფი უფუნქციოდ დატოვა.
ინფორმაცია ანსამბლ „მხედრების“ გაუქმების თაობაზე სოციალურ ქსელში ანსამბლის ერთ-ერთმა წევრმა ნატალი ტაკიძემ გააჟღერა და იქვე ფოტოც დაურთო.
„პირველ რიგში, გთხოვთ, კარგად დააკვირდეთ ფოტოს, ეს ანსამბლი „მხედრებია“, რომელსაც სახალხო ანსამბლის წოდება მიანიჭეს. არ მოგესმათ ლანჩხუთში სახალხო ანსამბლი „გვყავდა“.
ანსამბლი, რომელიც 2007 წლიდან მოღვაწეობდა 2022 წლამდე სამწუხაროდ, ჩვენი ერთადერთი ანსამბლი, რომელიც ბევრ ღონისძიებაში იღებდა მონაწილეობას. სადაც კი ჩვენი დახმარება სჭირდებოდათ, იქ მივდიოდით და ლანჩხუთს გვერდით ვედექით.
ხალხნო კარგად წაიკითხეთ ეს ანსამბლი გაქვიუქმეს. გაგვაუქმეს ყველა თანამშრომელი, გარდა მასწავლებლისა, ანუ რა, გამოდის, მასწავლებელმა დარბაზში მარტო უნდა იცეკვოს. უკაცრავად და როგორი განათლებულები და განვითარებულები ბრძანდებით ჩვენო დამანგრეველო!
იცით რა არის სირცხვილი?! აი, ეს რაც ჩვენთან ხდება! თეატრი, კულტურის სახლი სად არის? რა არის? ამიხსენით, მხოლოდ შენობა და უბრალოდ შენობაში მოქმედი თანამშრომლები? სად არის ანსამბლი, სად არის ბენდი მიპასუხეთ.
ჩვენი ანსამბლი გააუქმეს უეცრად აი, უპასუხოდ. პასუხს არავინ გვცემს, მაგრამ გაგონილი მაქვს, ბიუჯეტი არ გვაქვსო. ბოდიში და რომელ ბიუჯეტზე ლაპარაკობთ, როდესაც 10, 15 წლის მოცეკვავეებს 60 ლარი რომ გვქონდა ხელფასი და ჯამში 2000 ლარიც რომ არ გამოდის?! გრცხვენოდეთ! აი, იცით როგორი მომენტი მაქვს, რომ არ ვიცი რა ვაკადრო და რა ვუწოდო ამ საქციელს.
აქ ძალიან ბევრნი ხართ და ვფიქრობ ყველანი უნდა ფიქრობდეთ ჩვენს ახალგაზრდების განვითარებაზე და წინსვლაზე ლანჩხუთს. ისევ სჭირდება ანსამბლი „მხედრები“. როცა მათ აწყობდათ, მაშინ გვიშვებდნენ ჩიბათის ვითომდა თეატრში კონცერტის გასაკეთებლად. აი, ამაზე მეტი სამარცხვინო რა უნდა იყოს ? დაფინანსება როცა ვითხოვეთ, რომ გასტროლს გავაკეთებთო, ისევ ბიუჯეტზე დაიწყეს ლაპარაკი. კედელს ცერცვი შეაყარეო, ეგრე გვჭირს ჩვენ მათთან, მაგრამ ვიმედოვნებ ბევრნი ვიქნებით და ისევ აღვადგენთ წლების წინ დაარსებულ ანსამბლს და არ მივცემთ ამის უფლებას.
ჩვენ ბრძოლა შეგვიძლია… აი, მანდ სკამებზე რომ სხედხართ და ბრძანებებს იძლევით, რომ ჩვენ 60 ლარზე უნდა ვიცეკვოთ, დაგველოდეთ 60 ლარი სანატრელი გახდება. ანსამბლი „მხედრები“ არ აპირებს დანებებას, არ აპირებს გაანადგურებინონ ის, რაც დიდი შრომით შეიქმნა. ჩვენ ისევ დავბრუნდებით! თქვენი იმედიც მაქვს, ჩემო მეგობრებო!
და ბოლოს, ძალიან დიდი მადლობა მინდა გადავუხადო ჩვენს ქორეოგრაფ ბატონ მელის ნადირაძეს, რომ 300 ლარად ოზურგეთიდან თავისივე ტრანსპორტით ჩამოდის და ჩვენზე, ჩვენს განვითარებაზე ზრუნავს“- წერს სოციალურ ქსელში ნატალი ტაკიძე.
რეალურად რატომ მიიღო მუნიციპალიტეტმა სახალხო ანსამბლის გაუქმების გადაწყვეტილება, „გურია ნიუსი“ ამასტან დაკავშირებით პოზიციის მოსმენას უშუალოდ მუნიციპალიტეტის მერისგან შეეცადა, თუმცა,ალექსანდრე სარიშვილმა, ტრადიციისამებრ, ჩვენი სატელეფონო ზარი უპასუხოდ დატოვა, რის შემდეგაც მერის პირველ მოადგილეს, ეკატერინე გუჯაბიძეს დავუკავშირდით. იგი ყველანაირ პირად ინტერესს გამორიცხავს და ამბობს, რომ ანსამბლი რეორგანიზაციის შედეგად გაუქმდა.
„არანაირი პრობლემა ბატონ მელისთან არ ყოფილა. ეს პრობლემა რომ ყოფილიყო, მაშინ ბატონი მელისიც მოყვებოდა რეორგანიზაციაში. იგი ჩვეულებრივად აგრზელებს ჩვენტან ტანამშრომლობას, ხელშეკრულება ჩვეულებრივად უგრძელდება. მოხდა რეორგანიზაცია, მათ შორის სხვა რაღაცეებიც გამოეყო კულტურას, აქედან გამომდინარე გაუქმდა ანსამბლი. ანაზრაურებაც ეზლეოდათ, შესაძლოა მინიმალური და იყო ანაზრაურების ტემაც. სადრაც სამი წელია,პანდემიიდან გამომდინარე არ ფუნქციონირებდა ეს ანსამბლი. გადაწყვეტილება მივირეთ და რეორგანიზაციის შედეგად უბრალოდ გაუქმდა ანსამბლი, არანაირი პირადი ინტერესები არ ყოფილა.“-ამბობს ეკატერინე გუჯაბიძე.
ავტორი
