“თუ სიცოცხლეში არ აგროვე სხივი და სხივი, სამუდამოდ დარჩები ბნელში” ვისთვის მეგობარი, ვისთვის უფროსი ძმა,ვისთვის მამის მაგიერი,ბევრისთვის მასწავლებელი და ვისთვის კიდევ “გოჩიანო ბუაჩელი”(უხაროდა ასე,რომ ეძახდნენ).ასეთი იყო,ასე იცხოვრა და ისე წავიდა,ბევრი სხივ ნაგროვები და ამიტომ მის სახელს დავიწყება არ უწერია… დღეს ჩემთვის ემოციური დღეა, ვწუხვარ, რომ გარკვეული მიზეზების გამო, იქ ვერ ვიყავი… მადლობა,თქვენ, ასე,რომ გიყვართ,გოჩა მასწავლებელი და არ გავიწყდებათ. მე თქვენ მიყვარხართ. დღეს მამა ყველაფერს ხედავს და გრძნობს…”_ამ ემოციურ პოსტს საკუთარი ფეისბუქის გვერდზე წარმოშობით ხარაგაულელი, ლილიკო ბუაჩიძე წერს და მადლობას უხდის ხარაგაულელებს მამის გარდაცვალების შემდეგ მისი გახსენებისთვის.
ცნობისთვის, რამდენიმე თვის წინ ხარაგაულში ტრაგიკულად დაიღუპა სპორტის პედაგოგი, გოჩა ბუაჩიძე.
ინფორმაციისთვის, 19 ოქტომბერს “სპორტისა და შიდა ტურიზმის ცენტრი”-ს დარბაზში ჩატარდა გოჩა ბუაჩიძის ხსოვნისადმი მიძღვნილი ტურნირი საჯარო სკოლის მოსწავლეებს შორის მინი ფეხბურთში, სადაც მონაწილეობა მიიღო: დაბის N2, N3, სასულიერო გიმნაზიის, ღორეშის, კიცხის, ვახანის, ზვარის,მარელისის,ვარძიის და ბორის საჯარო სკოლის გუნდებმა.
ფინალურ შეხვედრაში ერთმანეთს სასულიერო გიმნაზიის და N2 საჯარო სკოლის გუნდები დაუპირისპირდნენ და პენალტების სერიაში გამარჯვება მეორე საჯარო სკოლის გუნდმა მოიპოვა.
წიფის საჯარო სკოლის დირექტორის გოჩა კვინიკაძის დაწესებული პრიზი საუკეთესო მეკარეს ნიკოლოზ ნანიტაშვილს გადაეცა. ტურნირის დასრულების შემდეგ შედგა ამხანაგური მატჩი გოჩა ბუაჩიძის მეგობრებს შორის.
ავტორი
