იტალიის საფეხბურთო პირველობის მეცამეტე ტურში, ხვიჩა კვარაცხელიას „ნაპოლი“ სტუმრად „ატალანტას“ დაუპირისპირდა და იმარჯვა – 2:1. ნეაპოლელთა ახალი მთავარი მწვრთნელი ვალტერ მაძარი ყოფილ კლუბში (ის ნეაპოლელებს 1998-99 და 2009-13 წლებში წვრთნიდა) მოგებით დაბრუნდა.
შეხვედრის 44-ე წუთზე საჯარიმოში შეჭრილმა ქართველმა ჯოვანი დი ლორენცოს ჩაწოდებულ ბურთს თავი დაჰკრა და ანგარიში გახსნა. ეს კვარას მეორე თავური გოლი გახლდათ „სერია A“-ში. პირველი მან გასული სეზონის სადებიუტო მატჩში „ვერონას“ წინააღმდეგ.
მეორე ტაიმის დასაწყისში, ნიგერიელმა ადემოლა ლუკმანმა ასევე თავურით გაათანაბრა. ამის შემდეგ ნეაპოლელთა რიგებში ტრავმამოშუშებული ვიქტორ ოსიმენი გამოჩნდა და რამდენიმე წუთში საგოლე გადაცემაც გაახერხა. გამარჯვების გოლი კი ასევე შცვლაზე შესულმა ჩრდილომაკედონელმა ელიფ ელმასმა გაიტანა.
„ატალანტასთან“ მატჩის შემდეგხვიჩა კვარაცხელია გახდა მეექვსე მოთამაშე, რომელმაც ორ სეზონში 18+18 შეასრულა.
ხვიჩა ერთადერთი მოთამაშეა „სერია A“-ში, რომელმაც ბოლო ორი სეზონის განმავლობაში ყველა ტურნირზე 18 ბურთი გაიტანა და 18 საგოლე გადაცემა მაინც შეასრულა.
გასული სეზონის დაწყებიდან კვარაცხელიამ 18 გოლი გაიტანა და 23 საგოლე გადაცემა მიითვალა. ამ მაჩვენებლით ის მეექვსე ადგილზეა, მხოლოდ ლიონელ მესის, ბუკაიო საკას, ანტუან გრიზმანს, ვინისიუსს და მოჰამედ სალაჰს ჩამორჩება.
„ნაპოლის“მთავარმა მწვრთნელმა ვალტერ მაძარიმ „ატალანტასთან“ გამარჯვების შემდეგ შემდეგი კომენტარი გააკეთა:
„პირველი ტაიმი თითქმის იდეალური იყო, შესაბამისად, მეორე ტაიმში არ ველოდი, რომ გაგვიჭირდებოდა. გუნდმა თამაში კარგად დაიწყო, კომპაქტურად ვთამაშობდით, მეორე ნახევარში რაღაც მხრივ ჩავარდნა გვქონდა, ტემპიც დაეცა, ინტენსივობა დავკარგეთ და ამ თვალსაზრისით კვირის განმავლობაში მუშაობა მოგვიწევს.
ნებისმიერ შემთხვევაში, „ატალანტა“ ძლიერი გუნდია და ბერგამოში გამარჯვება ადვილი არ იყო, არც არავისთვის იქნება. ბიჭებმა თავდადებით ითამაშეს, ყურადღებით მისმენდნენ. ამ დღეებში გუნდში კარგი განწყობა ჩამოყალიბდა, ჯერ ადრეა რაიმე მინიშნებების გაკეთება, მაგრამ თავიდანვე კარგი განცდები გამიჩნდა. უნდა გავაგრძელოთ მუშაობა, „ნაპოლი“ იტალიის ჩემპიონია. დეტალებზე მაქსიმალური ყურადღება უნდა გავამახვილოთ, რაც ბიჭებს ვუთხარი.
„ნაპოლის“ მწვრთნელობა არ არის საჭირო იმისთვის, რომ მივხვდე, რამდენად მნიშვნელოვანი და ძვირფასია გუნდისთვის ოსიმენი. ამ ეტაპზე მას შეზღუდული დროით შეუძლია თამაში, მაგრამ ძალიან კარგად ჩაერთო. ჩვენთვის ის ფუნდამენტური ფეხბურთელია და მან იცის, რომ გვჭირდება.
„ატალანატას“ სათამაშო თვისებებიდან გამომდინარე, კვარაცხელიას ვუთხარი, რომ ფლანგზე დარჩენილიყო, რათა მეტოქის დაცვა გაგვეწელა, რადგან მის წინააღმდეგ „ატალანტა“ ორმაგი მეურვეობით ითამაშებდა, შიგნით შეწევით კი უფრო პროგნოზირებადი იქნებოდა. ცოტა დრო გვქონდა სასაუბროდ, მაგრამ მეტი დრო გვექნება სხვადასხვა კოცენფციებზე სასაუბროდ. ხვიჩასთან მატჩის შემდეგ ჩახუტება? ამ ბიჭებთან კარგი ურთიერთობა ჩამომიყალიბდა, რასაც გამარჯვებაც ხელს უწყობს“.
„ნაპოლის“ მარცხენა მცველი მატიას ოლივერა დაუშავდა. ურუგვაელი ფეხბურთელი „ატალანტას“ წინააღმდეგ შეცვალეს.
ოლივერას სამედიცინო გამოკვლევა ჩაუტარდება, მაგრამ სავარაუდოდ, ტრავმა სერიოზულია, რაც იმას ნიშნავს, რომ სამხრეთამერიკელი გუნდს გარკვეული პერიოდით გამოაკლდება.
იმის გათვალისწინებით, რომ ნეაპოლელთა მეორე მარცხენა მცველი მარიო რუი დაახლოებით ერთი თვე ვერ ითამაშებს, ოლივერას ტრავმა „ნაპოლისთვის“ დიდი დანაკლისია. „ატალანტასთან“ ის ცენტრალურმა მცველმა, ჟუან ჟეზუშმა შეცვალა. არის კიდევ ერთი ვარიანტი, რომ მარცხნივ მარჯვენა მცველმა, ალესანდრო ძანოლიმ ითამაშოს.
სხვადასხვა ესპანურმა გამოცემამ ვინისიუს ჟუნიორის ტრავმის შემდეგ დაწერა, რომ მადრიდის „რეალმა“ ინტერესი განაახლა იკარდის მიმართ და არაა გამორიცხული, „ინტერისა“ და „პსჟ“-ის ყოფილი თავდამსხმელი მადრიდში ახალი წლის შემდეგ აღმოჩნდეს.
მიმდინარე სეზონში „გალათასარაის“ მაისურით 30 წლის თავდამსხმელმა 21 მატჩი ჩაატარა. ამ შეხვედრებში იკარდიმ 16 გოლი გაიტანა და 3 საგოლე პასიც გააკეთა. ფორვარდსა და თურქულ კლუბს შორის კონტრაქტი 2026 წლამდე არის გაფორმებული. „Transfermarkt“-ის მიხედვით, არგენტინელის სატრანსფერო ღირებულება 20 მილიონი ევრო გახლავთ.
ავტორი
