მერიასა და საკრებულოში ხელფასები იზრდება

2026 წლიდან  ლანჩხუთის მერიასა და საკრებულოში სახელფასო ანაზღაურება იზრდება. ადგილობრივ წარმომადგენლობით ორგანოში ამ საკითხზე განხილვები დაწყებულია.

მას შემდეგ, რაც ლანჩხუთის მუნიციპალიტეტში რეორგანიზაცია გახორციელდა, მუნიციპალური მერიის დაქვემდებარებაში ფუნქციონირებს მერიის რვა სამსახური:

1. ლანჩხუთის მუნიციპალიტეტის მერიის ქონების მართვის და სოფლის მეურნეობის სამსახური;
2. ლანჩხუთის მუნიციპალიტეტის მერიის საფინანსო-საბიუჯეტო სამსახური;
3. ლანჩხუთის მუნიციპალიტეტის მერიის ჯანმრთელობის დაცვისა და სოციალური სერვისების სამსახური;
4. ლანჩხუთის მუნიციპალიტეტის მერიის ინფრასტრუქტურის, სივრცითი მოწყობისა და ეკონომიკის სამსახური;
5. ლანჩხუთის მუნიციპალიტეტის მერიის ადმინისტრაციული და სამართლებრივი უზრუნველყოფის სამსახური;
6. ლანჩხუთის მუნიციპალიტეტის მერიის განათლების, კულტურის, ძეგლთა დაცვის, ტურიზმის, სპორტისა და ახალგაზრდულ საქმეთა სამსახური;
7. ლანჩხუთის მუნიციპალიტეტის მერიის ზედამხედველობის სამსახური;
8. ლანჩხუთის მუნიციპალიტეტის მერიის შიდა აუდიტის სამსახური.

ახალი საშტატო ნუსხით ირკვევა, რომ მუნიციპალიტეტის მერის ყოველთვიური თანამდებობრივი სარგო 7 200 ლარი იქნება; მერის პირველი მოადგილის _  5 600 ლარი, ხოლო მერის მოადგილის  ხელფასი  5120 ლარი გახდება.

პირველადი სტრუქტურული ერთეულის ხელმძღვანელის  (სამსახურის უფროსი) გასამრჯელო კი 3200 ლარითაა განსაზღვრული.

მეორადი სტრუქტურული ერთეულის ხელმძღვანელის  (განყოფილების უფროსი) ხელფასი 2560 ლარი იქნება, იმ გამონაკლისით, რომ  ადმინისტრაციული ერთეულების წარმომადგენლებთან ურთიერთობის და მატერიალურ-ტექნიკური მომარაგების განყოფილების უფროსის თანამდებობრივი სარგო კოლეგებისგან განსხვავებულია და მას ხელფასი 2880 ლარამდე ეზრდება.

მესამე რანგის პირველი კატეგორიის უფროსი სპეციალისტის ხელფასი 1760 ლარი იქნება;

მესამე რანგის მეორე კატეგორიის უფროსი სპეციალისტის _ 1600 ლარი;

მეოთხე რანგის პირველი კატეგორიის უმცროსი სპეციალისტის _ 1440 ლარი.

რაც შეეხება მერის წარმომადგენელს შესაბამის ადმინისტრაციულ ერთეულში, ასეთი ლანჩხუთში 16-ია და 2026 წლიდან მათი  თვიური ანაზღაურება 2350 ლარი იქნება. ადმინისტრაციული ერთეულებში  ხელშეკრულებით დასაქმებულ სპეციალისტთა ხელფასი კი -1130 ლარი.

2026 წელს საჯარო სამსახურებში დაგეგმილი ხელფასების მატების შემდეგ ლანჩხუთის  საკრებულოს თავმჯდომარის ანაზღაურება 6560 ლარი გახდება;

საკრებულოს თავმჯდომარის პირველი მოადგილის _ 4960 ლარი;

საკრებულოს თავმჯდომარის მოადგილის _ 4320 ლარი;

საკრებულოს კომისიის თავმჯდომარის _ 3520 ლარი;

საკრებულოს ფრაქციის თავმჯდომარის _ 3520 ლარი;

საკრებულოს ფრაქციის თავმჯდომარის მოადგილის _ 2560 ლარი.

რაც შეეხება ლანჩხუთის საკრებულოს აპარატს, აქ  სახელფასო ანაზღაურების ზრდა ასე გადანაწილდება:

აპარატის უფროსი _  3200 ლარი;

საკრებულოს აპარატის მეორე რანგის მეორადი სტრუქტურული ერთეულის ხელმძღვანელი-  2560 ლარი;

საკრებულოს აპარატის მესამე რანგის პირველი  კატეგორიის უფროსი სპეციალისტი _ 1760 ლარი;

სამდივნოს ხელმძღვანელი _  2240 ლარი;

საკრებულოს აპარატის მეოთხე რანგის პირველი კატეგორიის უმცროსი სპეციალისტი _ 1600 ლარი.