“მეც მაქვს დასაკარგი, თუნდაც ჩემი სამსახური რომელიც ჩემი შემოსავლის წყაროა, მაგრამ უფრო დიდი დანაკარგია სიმართლეზე, სამშობლოზე უარის თქმა” _ დაწერა ფეისბუქზე ლანჩხუთის მერიის თანამშრომელმა სალომე ზენაიშვილმა.
იგი თბილისში მიმდინარე საპროტესტო გამოსვლებიდან შემაძრწუნებელ ფოტოს აქვეყნებს, სადაც ჩანს, როგორ უმოწყალოდ უსწორდება სპეცრაზმის წარმომადგენელი აქციის მონაწილეს. 
“წაქცეულს, უმოძრაოდ, ასე რომ გაიმეტებს და ამ მძიმე კადრების ნახვის მერე ქოცურ რეჟიმს რომ გაამართლებ, უბრალოდ, მტერი ხარ შენი ქვეყნის და შენი ხალხის“ _ წერს მერიის თანამშრომელი და კოლეგებს მიმართავს: „ლანჩხუთის მუნიციპალიტეტის მერიის თანამშრომლებო, რატომ დუმხართ, მითხარით, რომ 13 წელი სიბნელეში არ ვყოფილვარ თქვენთან ერთად…“
