მეწყერი ბახმაროს გზაზე. შემთხვევა 31 მარტს მოხდა. მეწყრის შესახებ ინფორმაციას ფეისბუქზე IreTravel Bakhmaro ავრცელებს.
ჩოხატაურის მუნიციპალიტეტის მერიის პრესსამსახურში „გურია ნიუსს“ უთხრეს, რომ ამ ეტაპზე მიმდინარეობს პრობლემის მოგვარება.
„საავტომობილო გზების დეპარტამენტის თანამშრომლები იმყოფებოდნენ ადგილზე და მობილიზებულია ტექნიკა. საკმაოდ დიდი მიწის მასა არის ჩამოშლილი, ხვალიდან დაიწყება გაწმენდითი სამუშაოები. აქვე გვინდა აღვნიშნოთ, რომ მიწის მასა ადგილზე ვერ გადაიყრება, რადგან მდინარეს შეუქმნის საფრთხეს და აქედან გამომდინარე მოხდება მისი ტექნიკით გამოტანა, რასაც დრო დაჭირდება”,_ გვითხრეს ჩოხატაურის მუნიციპალიტეტის მერიის პრესსამსახურში.
მათივე ინფორმაციით, ცხრაწყაროზე გზის ინფრასტრუქტურა არ არის დაზიანებული და ეცდებიან, რომ წყაროები შეინარჩუნონ.
ავტორი
