მეწყერმა, სავარაუდოდ, ადამიანი მოიყოლა – რა ხდება ხარაგაულში

ხარაგაულში, სოფელ მარელისში რკინიგზის სადგურზე, სადაც მეწყერი ჩამოწვა, გაწმენდითი სამუშაოები დილიდან მიმდინარეობს. “კურიერის” ინფორმაციით, ადგილზე ადამიანს ეძებენ, რომელიც მეწყერშია მოყოლილი, ის 72 წლის მამაკაცია, რომელიც დარაჯად მუშაობდა. ამ ეტაპზე, ოფიციალური კომენტარი არ გაკეთებულა.

ცნობისთვის, ხარაგაულში მეწყერი გუშინ ჩამოწვა. ძლიერი წვიმის შედეგად, მიწის მასა ჩამოიშალა და ლიანდაგები დააზიანა.

“რუსთავი2”