ოზურგეთის მუნიციპალიტეტის საკრებულოს ფრაქცია “ნაციონალური მოძრაობის“ თავმჯდომარე მიხეილ გოგოტიშვილი, ფრაქციის თავმჯდომარეობიდან და ასევე ფრაქციიდანაც უკვე გარიცხულია“_ამის შესახებ “გურია ნიუსთან“ ენმ-ს ოზურგეთის რაიონული ორგანიზაციის თავმჯდომარე დავით მჟავანაძე საუბრობს.
“მას შემდეგ, რაც მიხეილ გოგოტიშვილმა, გააკეთა საჯარო განცხადება პარტია “ევროპულ საქართველოში“ გადასვლის შესახებ, ფრაქცია “ენმ“ წევრებმა მივიღეთ გადაწყვეტილება, მოგვეწვია ფრაქციის სხდომა და გადაგვეყენებინა მიშა გოგოტიშვილი თავმჯდომარეობიდან და ასევე გაგვერიცხა ის ფრაქციიდან, ვინაიდან მიგვაჩნია, რომ პოლიტიკური ძალა, რომელსაც შეუერთდა არის ბიძინა ივანიშვილის დაკვეთის შემსრულებელი, რომლის ერთადერთი და მთავარი ამოცანაა სახელისუფლებლო პარტიასთან ერთად დაასუსტოს მთავარი ოპოზიციური ძალა “ნაციონალური მოძრაობა“.
“ენმ“ ოზურგეთის რაიონული ორგანიზაციის უკვე ყოფილი აღმასრულებელი მდივანი ამბობს, რომ ამის შესახებ მან უკვე გააკეთა განცხადება.
“პარასკევს გავაკეთე განცხადება, რომ გადავდექი ფრაქცია ენმ-ს თავმჯდომარეობიდან, შესაბამისად, გამგეობაში და საკრებულოშიც განვაცხადე ამის შესახებ, მე დავტოვე ასევე აღმასრულებელი მდივნის პოსტიც“, _ ამბობს მიხეილ გოგოტიშვილი.
შეგახსენებთ, რომ დღეს, „ევროპული საქართველოს“ ლიდერმა გიგი უგულავამ, მიხეილ გოგოტიშვილი აღნიშნული პარტიის ოზურგეთის ოფისის ხელმძღვანელად წარადგინა.
