პოეტი ბესიკ ხარანაული ექსპრეზიდენტ მიხეილ სააკაშვილი ირგვლივ განვითარებულ მოვლენებს სოციალურ ქსელში გამოეხმაურა.
“ვინცა ხართ: მიხეილ სააკაშვილის წამებით გადაუარეთ ყველას და ყველაფერს! ნეტა რაზე დგახართ?!”.
შეგახსენებთ, რომ ექსპრეზიდენტი უკვე 45-ე დღეა შიმშილობს. როგორც მისმა ექიმმა, ნიკოლოზ ყიფშიძემ განაცხადა, სააკაშვილს ძლიერი სისუსტე აქვს და დღეს პირველი დღეა, როცა ფეხზე ვერ ადგა.
ექსპრეზიდენტი და მისი ადვოკატები სამოქალაქო კლინიკაში გადაყვანას ითხოვენ, თუმცა ხელისუფლება უარზეა — სამოქალაქო კლინიკის ნაცვლად ის გლდანის ციხის სამკურნალო დაწესებულებაში გადაიყვანეს, სადაც იძულებით შეიყვანეს. სააკაშვილი იქ მკურნალობაზე უარს ამბობს.
ევროსასამათლოს გადაწყვეტილების შემდეგ მან განაცხადა, რომ შიმშილობას შეწყვეტს, თუ სამოქალაქო კლინიკაში გადაიყვანენ. პასუხად იუსტიციის მინისტრმა თქვა, რომ მოხარული იქნებიან თუ არ იშიმშილებს, მაგრამ დათქმების გარეშე.
დღეს არასამთავრობო ორგანიზაციებმა, მიხეილ სააკაშვილის სამოქალაქო კლინიკაში გადაყვანის მიზნით, პეტიცია შექმნეს.
