უძველესი დროიდან ლავანდა ითვლება უნივერსალურ სამკურნალო მცენარედ. არაბული მედიცინა მას იყენებდა ამოსახველებლად, სპაზმების მოსახსნელად, ხოლო ევროპაში ჭრილობების შესახორცებლად.
ლავანდის ზეთი შეიცავს დაახლოებით 200-მდე ბიოლოგიურად აქტიურ ნივთიერებას, მათ შორის ციტრალს, ბორეოლს, ლინალოოლს და რთულ ეთერებს. ლინალოოლის ძმრის ეთერი – ლანალილაცეტატი – ნერვული სისტემის ნამდვილი ბალზამია. ხსნის აღგზნებულობას, დადებითად მოქმედებს გონებრივ შესაძლებლობებსა და ემოციურ სფეროზე.
ლინალოოლი ანტისეპტიკური და ანთებსაწინააღმდეგოა, ხელს უშლის მავნე მიკროორგანიზმების (სტაფილოკოკების, რძიანას სოკოს და სხვ.) გამრავლებას.
ბრონქიტის დროს: – ვიდრე ექიმი დაგინიშნავთ მკურნალობას, შეგიძლიათ გაიუმჯობესოთ მდგომარეობა: თითო წილი ლავანდის, ჩაის ხისა და ბეგქონდარას, ორი წილი ბაღის პიტნის ზეთის ნარევი დილა-საღამოს წაისვით მკერდსა და ზურგზე და თბილად შეიკარით.
გადაღლილობის დროს 50გ ლავანდის ყვავილს დაასხით 1ლ წყალი. მიიყვანეთ დუღილამდე, გადმოდგით ცეცხლიდან და 8 წუთს გააჩერეთ, გაწურეთ, დაამატეთ აბაზანაში 38 გრადუს ცელსიუსზე გამთბარ წყალს და ჩაწექით 15-20 წუთი.
ხველების დროს: – 2 წვეთი ლავანდის ზეთი დაამატეთ 1 ჩ/კ თაფლს და მიიღეთ.
ძლიერ თავის ტკივილს მოგიხსნით ლავანდის კომპრესი. ბამბის ქსოვილი დაასველეთ ლავანდის სპირტში და ცივი კომპრესი დაიდეთ შუბლზე 0,5 საათით.
გაღიზიანების, ნერვული დაძაბულობისა და სტრესის დროს ლავანდის ზეთის 3 წვეთი დაამატეთ თბილ წყალს, დაასველეთ ბამბის ქსოვილი, დაიფინეთ სახეზე და გაიჩერეთ 5 წუთი.
ლავანდის ზეთით მკურნალობენ: დალურჯებულს, დერმატიტს, ეგზემას, ფსორიაზს, მწერების ნაკბენს და მზით დამწვრობას.
