ვერძი (21.03 – 20.04)
ვერძები – მოდის ნამდვილი ავანგარდები და ლიდერები არიან. მათ დევიზს ყველაზე უკეთ გამოხატავს კოკო შანელის სიტყვები: “მოდა – ეს ის არის, რაც მოდიდან არ გადადის”. როგორც წესი, ვერძები – შოპინგის ფანატები არიან. ისინი მხოლოდ ექსკლუზიურ და მსუბუქად შეხამებად სამოსს ირჩევენ. ქალი-ვერძები გიჟდებიან ისეთ ფორმებზე, რომელიც მათი სხეულის მოხაზულობას გაუსვამს ხაზს: ტანზე მოტმასნილ ტრიკოტაჟზე, ლეგინსებსა და ქამრებზე. მამაკაცები კი უპირატესობას ანიჭებენ სადა, მაგრამ ხარისხიან და აქტუალურ სამოსს.
კურო (21.04 – 20.05)
კუროები დაჯილდოებულნი არიან ნიჭით, რომ თავიანთი ჩაცმულობით მიიქციონ ყურადღება. ისინი კარგად იცნობენ საკუთარ სხეულს და შეუძლიათ სამოსით ნაკლის დაფარვა. კომფორტისა და ძვირფასეულობის მოყვარულებს შეუძლიათ ჩაიცვან თამამად და მიიქციონ გარშემომყოფთა ყურადღება. ხანდახან ისინი ბრმად მიჰყვებიან მოდას, მაგრამ ამასთან, შეუძლიათ დროზე შეჩერება. მათი ცხოვრებისეული კრედოა: ჰარმონიული სილამაზე თავმომწონეობის გარეშე.
ტყუპი (21.05 – 21.06)
ტყუპები ყოველთვის კარგად გამოიყურებიან და უპირატესობას ახალგაზრდულ სტილს ანიჭებენ. ისინი მარტივად მისდევენ მოდას და არასოდეს იკარგებიან ახალ ტენდენციებში. ამ ნიშნის წამომადგენლებს ყველაზე დიდი გარდერობი აქვთ, მათთვის ხომ მნიშვნელოვანია, ჰქონდეთ იმის საშუალება, სულ ახალ-ახალი ტანსაცმელი ეცვათ. ქალი-ტყუპები უპირატესობას ანიჭებენ ექსტრავაგანტურ კაბებს, ხოლო მამაკაცები ახერხებენ ჩაიცვან თანამედროვედ და ამავე დროს, პრაქტიკულად.
კირჩხიბი (22.06 – 22.07)
კირჩხიბები ცდილობენ ისე ჩაიცვან, რომ არასერიოზული იმიჯი არ დაიმსახურონ. მათი დევიზია: ელეგანტურობა და მოხერხებულობა. მათ სხვადასხვა სტილი ხიბლავთ: სპორტულიდან – ჯინსითა და ბოტასით დაწყებული, ძვირფასი ქაშმირისა და აბრეშუმის სამოსით დამთავრებული. ქალი-კირჩხიბების სუსტი წერტილია შიფონის გაშლილი კაბები და პლატინის, ვერცხლისა და ოქროს სამკაულები. ამ ნიშნის წარმომადგენელი მამაკაცები კი უპირატესობას ანიჭებენ მკაცრ კოსტიუმებს და ჯინსსაც კი ისინი მოხერხებულად შეუხამებენ კლასიკურ პერანგსა და პიჯაკს.
ლომი (23.07 – 23.08)
ლომს ძვირფასი ბეწვისა და ბუნებრივი ტყავისგან შეკერილი სამოსი ხიბლავს. მას ხომ არისტოკრატიზმი სისხლში აქვს გამჯდარი! ხშირად ლომებს არ შეუძლიათ შეჩერება და ყიდულობენ და ყიდულობენ ახალ-ახალ ნივთებს. ამასთან, არასოდეს იშურებენ ფულს ხარისხში. კლასიკა – ეს ლომისთვის საუკეთესო მიმართულებაა. ხვადი ლომები ხშირად მაღალი მოდის თაყვანისმცემლები არიან, დახვეწილი ფორმები და ქალური კოსტიუმები მათი სისუსტეა. მამაკაცი ლომები კი უპირატესობას ანიჭებენ საქმიან სტილს.
ქალწული (24.08 – 23.09)
ქალწული შესანიშნავად უთავსებს სილამაზესა და ფუნქციონალურობას ერთმანეთს. ის არასოდეს ცდილობს, სააშკარაოზე გამოიტანოს ლეიბლი და არც არასოდეს ტრაბახობს ბრენდის პრესტიჟულობით. ხარისხიანი ტანსაცმლის არჩევისას უპირატესობას ანიჭებს სადა, მაგრამ იდეალურ ფორმებს, ყურადღებას აქცევს რა დეტალებს. სუსტი სქესის წარმომადგენლები ცდილობენ გამოიყურებოდნენ ქალურად და თავს არიდებენ რთულ შეხამებებს. ხოლო მამაკაცი-ქალწულები უპირატესობას კლასიკას ანიჭებენ.
სასწორი (24.09 – 23.10)
სასწორები ძალიან ჰარმონიულები არიან სამოსის შერჩევისას. ისინი ყოველთვის ოსტატურად პოულობენ ბალანსს ფორმასა და ფერს შორის. როგორც ქალ, ასევე მამაკაც სასწორებს უყვართ ჩაცმა, მაგრამ ამავე დროს, არასოდეს ხდებიან მოდის მონები და ცდილობენ შექმნან საკუთარი ტენდენციები. მათ სტილში ყველაფერი წვრილმანებამდეა დასული. მათ საოცარი ყნოსვა აქვთ ფერის, სტილისა და მოდელის არჩევისას. ამიტომაც ყოველთვის იდეაულურად ირგებენ სამოსს.
მორიელი (24.10 – 22.11)
მორიელები არასოდეს გამოიყურებიან ვულგარულად ან გოიმურად. სითამამე – ეს მათი მთავარი კოზირია და რა თქმა უნდა, მათ თანდაყოლილი აქვთ მოდური ტენდენციების ყნოსვა. მორიელი-ქალი არ დაელოდება, მანამ კაბა მოდური ჟურნალიდან მაღაზიის ვიტრინაში აღმოჩნდება – მაშინვე ფეხზე დააყენებს მკერავების არმიას და პირველი ჩაიცვამს იმ სეზონის ჰიტს.
მშვილდოსანი (23.11 – 21.12)
მშვილდოსნებო, თქვენი მეორე სახელი – გლამურია! მშვილდოსნები ქვეცნობიერად ქმნიან საკუთარ სტილს ისე, რომ მაშინვე იპყრობენ საზოგადოების ყურადღებას. მათ უყვართ შეუფერებელი ნივთების ერთმანეთისთვის შეხამება: აბრეშუმი ველურ ზამშთან, ოქროს ფარჩა ვერცხლთან და სხვა. შესაძლოა, ვიღაც სხვას სულელური იერი მიეღო ამ ექსპერიმენტის ჩატარებისას, მაგრამ არა მშვილდოსნებს. მათ უხდებათ ეთნიკური მოტივები ან ინდური თემატიკა, ასევე, უცნაური, საეკლესიო მოტივებზე შექმნილი სამკაულები, რომლებიც მათ ინდივიდუალურ სტილს უსვამს ხაზს.
თხის რქა (22.12 – 12.01)
თხის რქას უყვარს ძვირფასი სამოსი, მას ჰარმონიულობის თანდაყოლილი შეგრძნება აქვს და არაჩვეულებრივად შეუძლია თავისი ფასეულობების წარმოჩენა. თხის რქების უმეტესობა შეგვიძლია მივაკუთვნოთ კლასიკურისა და ამავე დროს, სექსუალური სტილის თაყვანისმცემელთა რიცხვს. მათი გარდერობის საფუძველს წარმოადგენს მარად მოდური კლასიკა, ხოლო დანარჩენში ისინი ინტუიციას ენდობიან. სამკაულის არჩევისას თხის რქა იმდენად ფასს არ აქცევს ყურადღებას, რამდენადაც ნაკეთობის ორიგინალურობას.
მერწყული (21.01 – 19.02)
მერწყული – ეს დახვეწილი, შემოქმედებითი ნატურაა, რომელსაც მოდაზე თანდაყოლილი ყნოსვა გააჩნია. მერწყულები კარგი გემოვნებისა და ინსტინქტის წყალობით თავად ქმნიან საკუთარ სტილს. ისინი გიჟდებიან ყველაფერ იმაზე, რაც ბანალური არ არის და შეუძლიათ დაუსრულებლად იარონ მაღაზიებში ერთი დეტალის საძებნელად, რათა დაასრულონ ჩაცმულობა. ძირითადად, მერწყულები უპირატესობას ანიჭებენ სტილს Casual. მაგრამ დარწმუნებულები იყავით, წვეულებაზე ქალ-მერწყულს მაშინვე შეამჩნევთ! თვალშისაცემი კაბა, არამკვეთრი, მაგრამ მიმზიდველი მაკიაჟი ქალი კი არა – ოცნებაა!
თევზები (20.02 – 20.03)
მეოცნებე და ნათელი თევზები საოცარი პლასტიკითა და მიხვრა-მოხვრით გამოირჩევიან. ამიტომაც ისინი ირჩევენ ისეთ სამოსს, რომელიც მათი სხეულის კონტურს გაუსვამს ხაზს. მოდის თავგადაკლული მიმდევრები გიჟდებიან ყოველმხრივ აღიარებაზე. მამაკაცი და ქალი თევზები თავიანთი თანდაყოლილი შარმით მართლაც იზიდავენ გარშემომყოფების ყურადღებას, თანაც ზედმეტი ძალისხმევის გარეშე. თევზები იმდენად ბუნებრივები არიან, რომ არასოდეს გამოიყურებიან ვულგარულად. მათ უყვართ უკვე ნაცადი ბრენდები და ძვირფასი ქსოვილები, რადგან თვლიან, რომ სამოსი, რომელსაც ისინი ატარებენ, მათი ღირსი უნდა იყოს.
ავტორი
