ქალთა საფეხბურთო კლუბ ლანჩხუთის დამაარსებელი დურმიშხან ჩხაიძე გარდაიცვალა. ინფორმაციას სოციალურ ქსელში guria today ავრცელებს.
“ლანჩხუთს დურმიშხან ჩხაიძე მოუკვდა…
მხოლოდ ფიზიკურად, რამეთუ ლეგენდები არ კვდებიან, მის მიერ გაკეთებული სიკეთეებიც დაუვიწყარი დარჩება!
შეუფასებელია მისი ამაგი ლანჩხუთის წინაშე _ რაც მან ადგილობრივ ქალთა საფეხბურთო გუნდისთვის გააკეთა, მხოლოდ დაგვირგვინებაა იმ საშვილიშვილო საქმეებისა, რასაც ათწეულების მანძილზე ეს უნიჭიერესი ადამიანი თავისი ქალაქისთვის აკეთებდა!
ლანჩხუთმა დიდი მოჭირნახულე და ამაგდარი დაკარგა, „გურია თუდეიმ“ და ასეულობით ლანჩხუთელმა _ საუკეთესო მეგობარი…
მშვიდობით, დურუ მასწ.! თქვენი სახელი დავიწყებას არასოდეს მიეცემა“.
გურია ნიუსი მწუხარებას გამოთქვამს და უსამძიმრებს დურმიშხან ჩხაიძის ოჯახს, ახლობლებს, კლუბს, ყველა გულშემატკივარს.
