მსოფლიოს ყველაზე ახალგაზრდა სახელმწიფო მეთაურების ხუთეულში 3 ევროპული სახელმწიფოს პრემიერ-მინისტრია, 1 _ აზიის და ერთიც _ აფრიკის.
საქართველოს პრემიერ-მინისტრი მე-5 ადგილზეა.
ხუთეული კი შემდეგნაირად გამოიყურება:
1. ავსტრიის კანცლერი სებასტიან კურცი 34 წლისაა, ის 1986 წლის 27 აგვისტოს დაიბადა ვენაში.
კურცი, 2013 წლის 16 დეკემბრიდან 2017 წლის 18 დეკემბრამდე ავსტრიის ინტეგრაციისა და საგარეო საქმეთა მინისტრი იყო, რომელიც მსოფლიოში ყველაზე ახალგაზრდა საგარეო საქმეთა მინისტრი გაცდა. 2017 წლის 18 დეკემბრიდან 2019 წლის 28 მაისამდე და 2020 წლის 7 იანვრიდან ავსტრიის ფედერალური კანცლერია.
სებასტიან კურცი დედა პედაგოგია, მამა კი ინჟინერი. 1996 წელს ჩააბარა Bundesgymnasium und Bundesrealgymnasium Erlgasse-ში, ხოლო 2004 წელს გამოსაშვები გამოცდის ჩაბარების შემდეგ ერთწლიანი სამხედრო სამსახური გაიარა. ამის შემდეგ ვენის უნივერსიტეტის იურიდიულ ფაკულტეტზე დაიწყო სწავლა. სწავლის დასრულებამდე, 2011 წელს სახელმწიფო მდივნის პოსტზე დაინიშნა, როდესაც მხოლოდ თერთმეტი სასწავლო სემესტრი ჰქონდა გავლილი.
ასპ-ს ახალგაზრდული ფრთის წევრი 17 წლის ასაკში გახდა, 23 წლისა კი თითონ ჩაუდგა პარტიის ვენის კომიტეტს სათავეში. 2009 წელს კურცი აირჩიეს ავსტრიის სახალხო პარტიის ახალგაზრდული განყოფილების თავმჯდომარედ. 2010-2011 წლებში ვენის საქალაქო საბჭოს წევრი იყო. 2011 წლის აპრილში კურცი ხელახლა შექმნილი ინტეგრაციის სახელმწიფო მდივნის პოსტზე დანიშნეს (ავსტრიის შინაგან საქმეთა ფედერალური სამინისტროს ნაწილი). 2013 წელს ავსტრიაში საყოველთაო არჩევნებში პარლამენტის წევრად იქნა არჩეული.
2. ფინეთის პრემიერ-მინისტრი სანამ მარინი 35 წლისაა. ის 1985 წლის 10 დეკემბერს ჰელსინკში დაიბადა.
სანა მარინი ფინეთის სოციალ-დემოკრატიული პარტიის წევრი, ფინეთის 46-ე პრემიერ-მინისტრი 2019 წლის 10 დეკემბერს გახდა.
ის მეუღლე მარკუს რაიკიონენთან და ქალიშვილი ემასთან ერთად ცხოვრობს.
3. ჩადის პრეზიდენტი მაჰამატ დები იტნო 37 წლისაა. ის 1984 წლის 1 იანვარს დაიბადა.
დები ჩრდილოეთ მალიში ჩადის ინტერვენციის დროს იყო შეიარაღებული ძალების მეთაურის მოადგილე. ჩადის პრეზიდენტის, იდრის დების ვაჟი. 2021 წლის 20 აპრილს მამამისის, იდრის დების, გარდაცვალების შემდეგ გახდა გარდამავალი სამხედრო საბჭოს თავმჯდომარე, დაშალა ჩადის პარლამენტი და ქვეყანას სათავეში ჩაუდგა
4. ჩრდილოეთ კორეის ლიდერი კიმ ჩენ ინი, სავარაუდოდ, 38 წლისაა. ის, სავარაუდოდ, დაიბადა 8 იანვარს, 1982, 1983 ან 1984 წელს ფხენიანში.
ჩრდილოეთ კორეელი სახელმწიფო, პოლიტიკური და სამხედრო მოღვაწე კიმ ჩეინი შეიარაღებული ძალების მთავარსარდალი, კორეის შრომის პარტიის ცენტრალური კომიტეტის თავმჯდომარეა. ის ჩრდილოეთ კორეის დამფუძნებლის, კიმ ირ სენის შვილიშვილი და კიმ ჩენ ირის შვილი. თანამდებობა ოფიციალურად 2011 წლის 17 დეკემბერს, კიმ ჩენ ირის გარდაცვალების შემდეგ დაიკავა
სამხრეთ კორეის დაზვერვის მონაცემებით კიმ ჩენ ინი სწავლობდა ბერნის საერთაშორისო სკოლაში, 2012 წლიდან კი სწავლობს კიმ ირ სენის სახელობის უნივერსიტეტში.
ჩრდილოეთ კორეა კიმ ჩენ ინისა და მისი ოჯახის წევრების მმართველობის ქვეშ წარმოადგენს დიქტატურას, სადაც არ არსებობს თავისუფალი არჩევნები, ხელისუფლების ოპონენტები იდევნებიან, პრესა და ინტერნეტი სრულიად დაქვემდებარებულია რეჟიმს და არ არსებობს რელიგიის თავისუფლება. ჩრდილოეთ კორეაში არსებობს გულაგის ტიპის ციხეები და ბანაკები, რომლებშიც მილიონობით ადამიანი არის დატყვევებული და მოკლული. რეჟიმი აქტიურად იყენებს პოლიტიკური პატიმრებისა და კოლექტიური პასუხისმგებლობის მეთოდებს, როდესაც ერთი ადამიანის დანაშაულისთვის ისჯება მისი ოჯახი და მეგობრები.
გაერთიანებული ერების ორგანიზაციის ანგარიშის მიხედვით, კიმის რეჟიმის პირობებში ჩრდილოეთ კორეელები არიან „ადამიანის უფლებების სისტემატური, ფართოდ გავრცელებული და ყოვლისმომცველი დარღვევის მსხვერპლები“, ხოლო რეჟიმი ცდილობს „მისი მოქალაქეების ცხოვრების ყველა ასპექტის დამორჩილებასა და მათ შინაგან ტერორს ახორციელებს“
კიმ ჩენ ინის ბრძანებით მოკლეს არაერთი ჩრდილოეთ კორეელი თანამდებობის პირი, ასევე მას აკისრებენ პასუხისმგებლობას მალაიზიაში მისი ნახევრად ძმის, კიმ ჯონგ ნამის მკვლელობაზე. 2014 წლიდან კიმი რამდენჯერმე ქრება საჯარო ცხოვრებიდან ერთკვირიანი პერიოდით.
5. საქართველოს პრემიერ-მინისტრი ირაკლი ღარიბაშვილი 38 წლისაა.
იგი 1982 წლის 28 ივნისს დაიბადა. პრემიერის თანამდებობას 2021 წლის 22 თებერვლიდან იკავებს. მანამდე იყო საქართველოს შინაგან საქმეთა მინისტრი (2012–2013), საქართველოს მე-11 და ყველაზე ახალგაზრდა პრემიერ-მინისტრი 2013 წლის 20 ნოემბრიდან 2015 წლის 30 დეკემბრამდე იყო.
ღარიბაშვილი იყო პოლიტიკური პარტია „ქართული ოცნება — დემოკრატიული საქართველოს“ თავმჯდომარე (2013–2015), საქართველოს თავდაცვის მინისტრი 2019 წლის 8 სექტემბრიდან 2021 წლის 22 თებერვლამდე.
