“დღეს ხელისუფლებას მოუწია, უარი ეთქვა ამ კანონზე, ეს არის თქვენი პირველი გამარჯვება. ხალხის ძალა ხართ თქვენ”,_ აღნიშნული განცხადება გააკეთა ყოფილმა სახალხო დამცველმა ნინო ლომჯარიამ პარლამენტთან აქციაზე სიტყვით გამოსვლისას.
“დღეს ხელისუფლებას მოუწია, უარი ეთქვა ამ კანონზე, ეს არის თქვენი პირველი გამარჯვება. მადლობა ამისთვის. 133 ჩვენი თანამოქალაქე, რომლებიც მშვიდობიანად იდგენ გუშინ აქციაზე სანამ მათ წინააღმდეგ არ იქნა გამოყენებული არალეგიტიმური ძალა… დაუყოვნებლივ გაათავისუფლეთ ყველა დაკავებული, არავინ არ დავიშლებით სანამ ბოლო მოქალაქემდე თავისუფალი არ იქნება, ამას დღესვე ველოდებით. მეორე მოთხოვნა, დაუყოვნებლივ უყარეთ კენჭი ამ საზიზღარი რუსული კანონის გაუქმებას, არცერთი დღე არ უნდა იყოს ეს რუსული კანონი საქართველოს პარლამენტში. მე დავამატებდი ჩემს მოთხოვნას, შეიცვალოს “ხალხის ძალამ” სახელი და დაირქვას “ხალხის სირცხვილი”. ხალხის ძალა ხართ თქვენ, ხალხის ძალა დგას აქ… ახლა ამბობენ, რომ პროპაგანდა უნდა აწარმოონ, მივიდნენ მოქალაქეებთან და დაარწმუნონ, თუ რა კარგია თურმე რუსული კანონი. ვერსად ვერ მიხვალთ და სადაც მიხვალთ, რომ საქართველოს მოქალაქეებს ტვინი გამოურეცხოთ, ყველგან დაგხვდებათ ხალხის ძალა. ქართველი ხალხის სირცხვილი ხართ თქვენ, ჩვენ საქართველოს მოქალაქეები მივიღებთ კანდიდატის სტატუსს. ჩვენ მთელ მსოფლიოს და ევროპას დავანახებთ, თუ როგორი ევროპელები ვართ და როგორ ვიბრძვით თავისუფლებისთვის..ჩვენ ვიმსახურებთ ადგილს ევროპაში და ჩვენ დავიმკვიდრებთ, ჩვენს ღირსეულ ადგილს ევროპაში”,- განაცხადა ლომჯარიამ.
ავტორი
