ერთიანი ნაციონალური მოძრაობის თავმჯდომარეობის კანდიდატი, აქტივისტი გიორგი მუმლაძე TV პირველთან საუბარში, ამბობს, რომ მელიას და მის გარემოცვას ცვლილებების ეშინია.
“მე ვიყრი კენჭს “ერთიანი ნაციონალური მოძრაობის” კანდიდატობაზე და კონკრეტულად შევთავაზე საზოგადოებას ჩემი გეგმა, რომელიც მდგომარეობს შემდეგში: პარტია, რომელიც ნიკა მელიას და მისი გარემოცვის მეშვეობით, პრაქტიკულად გახდა უძრავ მდგომარეობაში, მე ვთავაზობ, რომ ეს პარტია გახდეს მოძრავი, აქტიური და პირდაპირ ვიტყვი, უნდა დაიწყოს საპროტესტო აქციები და რეალური, არა კოსმეტიკური ცვლილებები. ხელფასიანი ბიუროკრატია უნდა ჩამოშორდეს პარტიის მართვას. ნიკა მელიას და მის გარემოცვას ცვლილებების ეშინია, მათ შორის არჩევნების და ამიტომ, ისინი ვერ ჩამოყალიბდნენ ამ თემაზე, თუმცა, მათ მოუწევთ ყველაფერზე პასუხის გაცემა. მოუწევთ საჯაროდ იმის თქმა, რატომ არ ხდება, უახლოეს დღეებში მოწვეულ იქნას პოლიტსაბჭო, ჩაინიშნოს თარიღი და განიხილონ ფორმატი”,_ აცხადებს მუმლაძე.
