2021 წლის ნობელის პრემიის ლაურეატმა, რუსმა ჟურნალისტმა დმიტრი მურატოვმა მედალი აუქციონზე 103.5 მილიონ დოლარად გაყიდა. თანხა UNICEF-ის შუამავლობით უკრაინელ ლტოლვილებს მოხმარდება.
ჟურნალისტმა ნობელის მედლის გაყიდვა 22 მარტს გადაწყვიტა.
“მე და Новая газета-მ გადავწყვიტეთ, 2021 წლის ნობელის პრემიის მედალი გადავცეთ უკრაინელი ლტლოვილების დასახმარებელ ფონდს – უკვე 10 მლნ-ზე მეტი ლტოვილია. აუქციონის სახლებს ვთხოვ, გამოგვეხმაურონ”. – წერია განცხადებაში.
ასევე განცხადაებაში აღნიშნულია, რომ ჟურნალისტებს არ ეშინიათ სიმართლის თქმით, რათა მკითხველს აჩვენონ.
,,ჩვენ ყოველდღე გიამბობთ იმაზე, თუ რა ხდება რუსეთში და მსოფლიოში. ჩვენს ჟურნალისტებს არ ეშინიათ, სიმართლის გაგება, რომ გაჩვენოთ იგი.
ქვეყანაში, სადაც ხელისუფლებას მუდმივად სურს რაღაცის აკრძალვა, მათ შორის სიმართლის თქმის აკრძალვა, უნდა იყოს პუბლიკაციები, რომლებიც განაგრძობენ რეალურ ჟურნალისტიკას.
თქვენი მხარდაჭერა დაგვეხმარება, Novaya Gazeta, გავაგრძელოთ ასეთი გამოცემა. შეიტანეთ თქვენი წვლილი რუსეთში ჟურნალისტიკის დამოუკიდებლობაში ახლავე.“ – აღნიშნულია განცხადებაში.
მურატოვს ნობელის პრემია მშვიდობის დარგში 2021 წლის 8 ოქტომბერს გადაეცა.
დმიტრი მურატოვი რუსი ჟურნალისტი, რედაქტორი და ტელეწამყვანია. 1995 წლიდან 2017 წლამდე ხელმძღვანელობდა გამოცემა Новая газета-ს. 2004 წლიდან არის დემოკრატიული პარტიის Яблоко-ს წევრი. 2014 წელს აქტიურად აპროტესტებდა რუსეთის შესვლას ყირიმში, 2020 წელს მხარს უჭერდა ბელარუსში მიმდინარე საპროტესტო აქციებს.
2022 წლის აპრილში ნობელის პრემიის ლაურეატს მოსკოვში მატარებლის ვაგონში უცნობი პირი თავს დაესხა და აცეტონიანი საღებავი შეასხა. Washington Post-ის აზრით თავდასხმის უკან რუსეთის დაზვერვა დგას.
ავტორი
