“ნაციონალური მოძრაობის“ წევრი ანა წითლიძე სოციალურ ქსელში მესაპე პრეზიდენტის მიერ მისთვის მიწერილ წერილს აქვეყნებს. როგორც წითლიძე აღნიშნავს, ექსპრეზიდენტის წერილმა მას ხელის ტკივილი დაავიწყა.
“ნამდვილი ჟანა დარკი ხარ. ძალიან მნიშვნელოვანია შენი ბრძოლისუნარიანობის დანახვა. მეც და უამრავ სხვა ადამიანს გვამხნევებს და ფრთებს გვასხამს, მომიკითხე მანდ ყველა”,- წერს მიხეილ სააკაშვილი წერილში.
“აი, თითს რომ თაბაშირში გისვამენ, გეუბნებიან მოტეხვასთან ერთად მყესი გაქვს გაწყვეტილი და ოპერაცია დაგჭირდებაო. ამ დროს ამას რომ ჩაგიგდებენ, მანდ გავიწყდება თითიც, ტკივილიც, და საერთოდ რა მოტეხილი თითი და გადაწყვეტილი მყესი ხალხო, სიცოცხლის დათმობაც რომ დაგვჭირდეს ამ ბრძოლისთვის, მიშას და საქართველოს თავისუფლებისთვის ყველა თავგანწირვა ღირს. კარგად ვარ, ხალხო და ბრძოლა გრძელდება კიდევ უფრო დიდი შემართებით. თან ეს რომ არ ეზარება წეროს ან ამის თავი აქვს, როდესაც თვითონ მაგ დღეშია. მერამდენე წერილია არ მახსოვს, მაგრამ დღეს განსაკუთრებულად ამიჩუყდა გული”– წერს ანა წითლიძე “ფეისბუქში”.
ცნობისთვის, “ნაციონალური მოძრაობის“ წევრმა ანა წითლიძემ ზუგდიდის სამხარეო ადმინისტრაციის შენობის წინ მიმდინარე აქციის დროს ხელი დაიზიანა.
“მონებოს“ დაწერას ვცდილობდი და ამიტომ მომატეხეს თითი“, – განაცხადა ანა წითლიძემ.
