მასწავლებლის პროფესიული განვითარების ეროვნული ცენტრის მიერ „საქართველოს დამსახურებული მასწავლებლის“ სიგელი ლანჩხუთელ პედაგოგს ნარგიზ თევზაძეს გადაეცა, _ ამის შესახებ ინფორმაციას ლანჩხუთის მესამე საჯარო სკოლა ფეისბუქზე აქვეყნებს.
„არის დღეები, როცა ემოცია ზღვაა და უმართავია, როცა ამაყი ხარ, როცა იმ სკოლის პედაგოგი გქვია, სადაც მოსწავლეთა აღზრდა -განათლება, სწორუპოვარ და წარმატებულ ადამიანებად ჩამოყალიბება პროფესიონალ, გამოცდილ, მოსწავლეთათვის თავდაუზოგავად მშრომელ პედაგოგთა ხელშია… და ასეთ დღეებს შორის დღევანდელი განსაკუთრებულად ამაღელვებელი იყო ჩვენთვის, მესამე სკოლელებისთვის, რადგანაც ამ დღეს ჩვენი სკოლის გამორჩეული პედაგოგის, ქალბატონ ნარგიზ თევზაძის სახელი ერქვა.
პედაგოგის, რომლის შრომასაც უკვალოდ არ ჩაუვლია და დაუფასდა კიდეც — მასწავლებლის პროფესიული განვითარების ეროვნული ცენტრის მიერ „საქართველოს დამსახურებული მასწავლებლის“ სიგელი გადაეცა. ამ სტატუსამდე კი იმ განვლილმა გზამ მიიყვანა, რომელსაც ახლა ქრონოლოგიის სახით წარმოგიდგენთ:
1) 1972_1977წწ ნიგოითის საშუალო სკოლა. ინგლისური ენის მასწავლებელი
2)1978_1999წწ ნიგვზიანის საშუალო სკოლაში დირექტორის მოადგილე სასწავლო_აღმზრდელობით დარგში და ინგლისური ენის მასწავლებელი.
3) 1999_2019წ ინგლისური ენის მასწავლებელი ქ. ლანჩხუთის #_3 საჯარო სკოლაში.
4) 2001_2004წწ მშვიდობის კორპუსის პირველი ჯგუფის მოხალისე ამერიკელი მასწავლებლის couterpart_ი.
5) 2002_2004წწ ამერიკული საბჭოების და საქართველოს განათლების სამინისტროს მიერ ჩატარებული კონკურსის „ინგლისური ენის სწავლებაში გამორჩეული ღვაწლისათვის“ ორჯერ გამარჯვებული.(ჯილდო სკოლისთვის ორივეჯერ 2000დოლარის შესაბამისი აპარატურა და პირადი 500დოლარი).
6) 2006წ. პრეზიდენტ შევარდნაძის ბრძანებულებით:,, ღირსების მედალი,, _ის მფლობელი.
და კიდევ სხვა მრავალი აქტივობები, პროექტები და რაც მთავარია, ყველაზე დიდი ჯილდო — მოსწავლეებისა და კოლეგების უპირობო სიყვარული.
ნარგიზი მასწავლებელო, გვეამაყებით!“ _ წერენ მესამე საჯარო სკოლელები ფეისბუქზე.
