Steadfast Defender 2024 ნატოს უდიდესი სამხედრო წვრთნაა ცივი ომის შემდეგ, რომელშიც დაახლოებით 90 000 ჯარისკაცი მონაწილეობს ნატოს წევრი 31-ვე ქვეყნიდან, ასევე პარტნიორი შვედეთიდან.
წვრთნები სტრატეგიულად განლაგებულია ევროპის რამდენიმე ძირითად ქვეყანაში, მათ შორის ფინეთში, ესტონეთში, გერმანიაში, საბერძნეთში, უნგრეთში, ლატვიაში, ლიტვაში, ნორვეგიაში, პოლონეთში, რუმინეთში, სლოვაკეთში, შვედეთში და გაერთიანებულ სამეფოში.
როგორც ცნობილია, საწვრთნელი სამხედრო ღონისძიებები ტარდება იანვრის ბოლოდან და 31 მაისამდე გაგრძელდება.
წვრთნები, მოიცავს სახმელეთო, საჰაერო, საზღვაო, კიბერ და კოსმოსურ ოპერაციებს, რომელიც იყო ნატოს მოკავშირეთა სარდლობის ტრანსფორმაციის დოქტრინალური განვითარების ძირითადი აქცენტი. ის გულისხმობს ძალების განლაგებას ჩრდილოეთ ამერიკიდან და ალიანსის სხვა ნაწილებიდან ევროპაში. რამდენიმე თვის განმავლობაში ჩატარდება კომპლექსური მრავალდომენური ოპერაციები ათასობით კილომეტრზე, რითაც გააძლიერებს სამოქალაქო-სამხედრო თანამშრომლობას და ეროვნულ და კოლექტიურ გამძლეობას.
“STEADFAST DEFENDER 2024 აღნიშნავს ისტორიულ მომენტს ნატოსთვის, რომელიც ასახავს ტრანსატლანტიკურ ერთიანობას, ძლიერებასა და მონდომებას მზარდი უსაფრთხოების გამოწვევების წინაშე. ვინაიდან აღმოსავლეთ ევროპაში დაძაბულობა გრძელდება, ეს წვრთნები აგზავნის მკაფიო გზავნილს, რომ ნატო მზადაა დაიცვას თავისი წევრები, მისი ღირებულებები და დაიცვას კოლექტიური უსაფრთხოება ევროატლანტიკურ ზონაში”,_ ნათქვამია პრესრელიზში.
