აშშ-ის უნივერსიტეტების გამპუსების აგიტატორებს, რომლებიც ისრაელის საწინააღმდეგო, ანტისემიტურ საპროტესტო აქციებს აწყობენ, ჯორჯ სოროსი და სხვა ელიტები აფინანსებენ. ამის შესახებ New York Post წერს.
სტატიაში საუბარია ჰარვარდის, იელის, ბერკლის, ოჰაიოს და სხვა უნივერსიტეტებში მოწყობილ ანტისემიტურ საპროტესტო აქციებზე. გამოცემის ინფორმაციით, ამ პროტესტის უკან ორგანიზაცია „სტუდენტები პალესტინაში სამართლიანობისთვის“ ფილიალები დგანან, რომლებსაც პირდაპირ და ირიბად სოროსის ფონდის „საქველმოქმედო ორგანიზაციები“, ასევე ძმები როკფელერების ფონდი და ბანკირი ფელის გელმანი აფინანსებენ.
როგორც New York Post წერს, გელმანის და სოროსების ოჯახის დაფინანსებულია ორგანიზაციები „ებრაული ხმა მშვიდობისთვის“ და „ჩვენს სიცოცხლეში“, რომლებიც აგრეთვე აქტიურად მონაწილეობენ საპროტესტო აქციებში.
სტატიის მიხედვით, აქციების სულ მცირე სამი ორგანიზატორი: მალაკ აფანე (ბერკლი), კრეიგ ბირკჰედ-მორტონი (იელი) და ნიდაა ლაფი (ტეხას-დალასის უნივერსიტეტი) ორგანიზაციიდან „ამერიკული კამპანია პალესტინელთა უფლებებისთვის“ ფინანსდებიან.
„სტიპენდიატებს 2880-დან 7800 აშშ დოლარამდე უხდიან იმაში, რომ კამპანიები წამოიწყონ აშშ-სა და ისრაელს შორის კავშირების გაწყვეტის მოთხოვნით“, – წერია სტატიაში.
