საქართველოს ახალგაზრდული ნაკრები ნიდერლანდებთან გასვლით მატჩში 3:1 დამარცხდა.
სამწუხაროდ, ჩვენს გუნდს, ემპოლის მცველი, საბა საზანოვი ვერ დაეხმარა _ მას მაღალი სიცხე ჰქონდა.
ჩვენი ნაკრებიდან ერთადერთი გოლი ოთარ მამაგეიშვილის ანგარიშზეა.
ასევე, აღსანიშნავია ნიდერლანდების ახალგაზრდული ნაკრების საოცრად კარგი თამაში _ მაიკლ რეისიხერის (ეროვნული ნაკრების ყოფილი წევრი) გაწვრთნილმა გუნდმა 9-დან 9 თამაში მოიგო, 29 ბურთი გაიტანა და საკუთარ კარში მხოლოდ 3 (!) მიიღო.
რამაზ სვანაძის გუნდი 9 ტურის შემდეგ 16 ქულით მეორე ადგილზეა და ევრო 2025 ზე მოხვედრის შანსს ინარჩუნებს. შემდეგ მატჩში კი, დიდი ალბათობით, ბევრი რამ გაირკვევა ჩვენი ნაკრებისთვის.
10 ოქტომბერს შვედეთის ქალაქ იონკოპინგში ჯგუფის ბოლოსწინა მატჩში შედება ჩვენი გუნდისთვის, ხოლო 15 ოქტომბერს (19:00) დასკვნით ტურში ჩრდილოეთ მაკედონიას ვუმასპინძლებთ.
შეგახსენებთ, რომ შვედეთს 13 ქულა და ერთი თამაშით ნაკლები აქვს. დღეს სკანდინავიელები გასვლაზე მოლდოვას დაუპირისპირდებიან.
ნიდერლანდები – საქართველო 3:1
გოლები: 1:0 ემეგა (4), 2:0 ემეგა (18), 2:1 ო. მამაგეიშვილი (31), 3:1 ოჰიო (71)
საქართველო: ხარატიშვილი, ზურაბიანი (გოგოტიშვილი 57), უგრეხელიძე (ოდიშვილი 74), ხვადაგიანი, მამაცაშვილი, ლომინაძე, გაგნიძე (ოსიყმაშვილი 81), გ. მამაგეიშვილი (აბუაშვილი 57), ო. მამაგეიშვილი ოდიშარია (გორდეზიანი 81), კვერნაძე
დღეს, 22:45 საათზე, საქართველოს ეროვნული ნაკრები ალბანეთის დედაქალაქ ტირანაში ადგილობრივ ნაკრებს დაუპირისპირდება.
ავტორი
