ოკუპირებულ მელიტოპოლში ახალი პროპაგანდისტული ინტერნეტპორტალის რედაქციასთან აფეთქება მოხდა, – ამის შესახებ BBC წერს.
ოკუპირებულ მელიტოპოლში სატელევიზიო ცენტრთან მომხდარი აფეთქების შედეგად პროპაგანდისტული ჰოლდინგის ZaMedia-ს ორი რედაქციის შენობა დაზიანდა.
შენობასთან მანქანაში ჩადებული ასაფეთქებელი მოწყობილობა აფეთქდა.
“მედია ჰოლდინგის ორი რედაქცია ერთდროულად დაზარალდა: ეს არის ZaRadio-ს რედაქცია და ინტერნეტპორტალის რედაქცია, რომელიც ჯერ არ გახსნილა. [APU] იცოდეთ, რომ მალე გავხსნით და ყველაფერს გამოვამჟღავნებთ“, – ნათქვამია ვიდეო მიმართვაში, რომელიც ZaTV ტელეგრამის არხზე არის გამოქვეყნებული.
„ZaMedia“ ერთ–ერთია იმ მრავალრიცხოვან პროპაგანდისტულ მედიასაშუალებათაგან, რომელიც რუსი სამხედროების მიერ ოკუპაციის შემდეგ შეიქმნა უკრაინის ტერიტორიაზე – გათიშული უკრაინული ტელეარხების ნაცვლად. ისინი, როგორც წესი, ასახავს რუსეთის ოკუპაციას უკრაინის სამხრეთ რეგიონებში, როგორც “განმათავისუფლებელი” და რუსული ძალები “დამცველებად“.
ამ ჰოლდინგის მუშაობას ხელმძღვანელობს რუსეთის საზოგადოებრივი პალატის წევრი ალექსანდრე მალკევიჩი. უკრაინული “ჟურნალისტური გამოძიების ცენტრი” წერს, რომ მალკევიჩი, რომელიც დაკავშირებულია ევგენი პრიგოჟინის სტრუქტურებთან, ხელმძღვანელობდა ერთგვარ „მედია სკოლას“, სადაც კადრების სიმცირის პირობებში ჟურნალისტებს ამზადებდნენ ახალი პროპაგანდისტული მედიისთვის. მალკევიჩი, ასევე მეთვალყურეობდა სხვა პროპაგანდისტული ტელეარხის, Tavria-ს გაშვებას, რომლის ორი თანამშრომელი დაიღუპა გასულ კვირას ანტონოვსკის ხიდზე დარტყმის შედეგად.
სამშაბათს ცნობილი გახდა, რომ SBU-მ ასევე დააკავა ნიკოლაევის ორი მცხოვრები, რომლებიც, სავარაუდოდ, რუსული სახელმწიფო მედიისთვის შეკვეთილ სიუჟეტებს იღებდნენ.
ავტორი
