გამოცემა NEW VOICE-ს ინფორმაციით, ოკუპირებული ყირიმის ქალაქ სიმფეროპოლში ორმა დივერსანტმა ქალმა 35 რუსი ჯარისკაცი მოწამლა, მათგან 24 სამხედრო დაიღუპა, 11 კი სავადმყოფოშია გადაყვანილი.
გამოცემიის ინფორმაციით, პარტიზანი ქალები ადგილიდან მიიმალნენ.
„მოხსენების თანახმად, ქალები რუს ოკუპანტებს საკვებში და არაყში გარეული დარიშხანით და სტრიქნინით უმასპინძლდებოდნენ“, – ნათქვამია IS-ის ანგარიშში.
ისლამურმა ორგანიზაციამ, ასევე გამოაქვეყნა გზავნილის სკრინშოტი კრემლის Snuffbox Telegram არხიდან, რომელიც რუსეთში პროუკრაინულ რესურსად ითვლება, რომელიც ამ ინციდენტზე საუბრობს რუსი სამხედროების წყაროებზე დაყრდნობით.
“სამხედრო ნაწილის საგუშაგოზე ორი საყვარელი გოგონა მივიდა, რომელთაც თავი ადგილობრივ მოსახლედ წარადგინეს. მიიტანეს 7 ბოთლი არაყი და ცოტა მისაყოლებელი – თევზი, ძეხვი, პური, ყველი. ჯარისკაცებს უთხრეს, რომ მადლობის გადახდა სურდათ, იმისთვის, რომ იცავენ. ბიჭებმა არაყი და საჭმელი აიღეს, კოლეგებთან ერთად დალიეს და ჭამეს. ბევრი მოიწამლა“, – წერს ერთ-ერთი Telegram არხი.
გავრცელებულ ინფორმაციაში აღნიშნულია, რომ ქალები, რომლებმაც რუსი სამხედროები მოწამლეს, ვერ იპოვეს. რუსები არკვევენ, უკავშირდება თუ არა ეს მელიტოპოლში FSB-ის ოფიცრების ბოლო მოწამვლას.
21 ნოემბერს გავრცელდა ინფორმაცია, რომ დროებით ოკუპირებულ მელიტოპოლში რუსი ჯარისკაცები ადგილობრივი რესტორნის საკვებით მოიწამლნენ. ზოგიერთი ოკუპანტი დაიღუპა.
მელიტოპოლის მერის, ივან ფედოროვის თქმით, რუსები ცდილობდნენ ეპოვათ კურიერი, რომელმაც საჭმელი მიაწოდა, მაგრამ ვერ მოახერხეს.
ავტორი
