დღეს, ოზურგეთის მუნიციპალიტეტის საკრებულოს მორიგი სხდომა შედგა. საკრებულოს თავმჯდომარემ დავით დარჩიამ, სხდომის მონაწილეებს დღის წესრიგით გათვალისწინებული ხუთი საკითხი გააცნო.
აღნიშნულიდან, სამი საკითხი განკარგულების, ერთიც დადგენილების მიღებას, ხოლო ერთი ადმინისტრაციული წარმოების დაწყებას ეხებოდა.
საკითხების განხილვის დაწყებამდე, სხდომაზე მოსულმა ორად ორმა ნაციონალმა დეპუტატმა, ბესო ქათამაძემ და თორნიკე გოგუაძემ სხდომა უსიტყვოდ დატოვეს, ხელში დღის წესრიგის ფურცლებით.
მიდევნებულ კითხვაზე, უკვე წახვედით თუ დაბრუნდებითო, არაფერი უპასუხიათ. არც მობრუნებულან.
საკრებულოს გადაწყვეტილებით დამტკიცდა შემდეგი განკარგულების პროექტები: ,, მუნიციპალიტეტის საკუთრებაში არსებული უძრავი ქონების საპრივატიზაციო ობიექტების ნუსხისა და პრივატიზაციის გეგმის დამტკიცების თაობაზე;” და გასწორდა ტექნიკური შეცდომა, ,, მუნიციპალიტეტის საკუთრებაში არსებული ქ. ოზურგეთში გამსახურდიას მოედანზე ( პარკის მიმდებარე ტერიტორია) მდებარე 7586 კვ.მ. არასასოფლო-სამეურნეო დანიშნულების მიწის ნაკვეთიდან 12.8 კვ.მ. და ქ. ოზურგეთში ჭავჭავაძის ქუჩაზე ( ტროტუარი) მდებარე 686 კვ.მ.არასასოფლო-სამეურნეო დანიშნულების მიწის ნაკვეთიდან 51.81 კვ.მ.არასასოფლო-სამეურნეო დანიშნულების მიწის ნაკვეთების, სარგებლობის უფლებით გადაცემაზე, მერისთვის თანხმობის მიცემის შესახებ”, განკარგულების პროექტში.
ცვლილება შეიტანეს ,,გარე რეკლამის განთავსების სანებართვო მოწმობის, როგორც მკაცრი აღრიცხვის ფორმისა და ამ ფორმის გამოყენების, აღრიცხვა-ანგარიშგების წესის დამტკიცების თაობაზე“, _ დადგენილების პროექტში.
,,მუნიციპალიტეტის სოციალური მიზნის მქონე პროექტების თანადაფინანსების პროგრამის განხორციელების შესახებ“ ნორმატიული აქტის მისაღებად კი. დაიწყო საჯარო ადმინისტრაციული წარმოება.
ავტორი
