ოზურგეთში “ალტ-ინფოს“ ახალი ოფისი გაიხსნა. ამჯერად ოზურგეთელმა “ალტ-ინფოელებმა“ ოფისი ქალაქ ოზურგეთში აბაშიძის ქუჩაზე გახსნეს (კერძო სახლში). სამოქალო აქტივისტების ერთი ნაწილი ოფისის გახსნის გასაპროტესტებლად ადგილზე მივიდნენ. სამოქალაქო აქტივისტის, ირმა გორდელაძის თქმით, „ალტ-ინფოს“ მუშაობას ოზურგეთში ყოველდღე გააპროტესტებენ, სანამ ისინი, არ შეწყვეტენ აქტივობებს. აბაშიძის ქუჩაზე მდებარე ოფისში, ასევე, იმყოფებოდა შემოქმედის ეპარქიის მღვდელი ვახტანგ (თოხაძე), რომელმაც მედიის წარმომადგენლებთან საუბრის დროს აღნიშნა, რომ ის სახლის საკურთხებლად მივიდა.
სოციალურ ქსელში გავრცელებულ კადრებში კარგად ჩანს, რომ სამოქალაქო აქტივისტებს და “ალტ-ინფოს“ წევრებს შორის სიტყვიერ დაპირისპირებას ჰქონდა ადგილი.
სახლის მეპატრონე, სადაც ,, ალტ-ინფოს ‘’ ოფისი გახსნეს, ჟურნალისტებს დაუპირისპირდა და მათ ფიზიკური შეურაცხყოფა მიაყენა.
ინფორმაციისთვის, “ალტ-ინფოს“ ოფისი ოზურგეთში რამდენიმე კვირის წინ გაიხსნა, თუმცა, გახსნიდან 20 წუთის შემდეგ ოფისი დაკეტილი დახვდათ იქ მისულ სამოქალაქო სექტორის წარმომადგენლებს.
ავტორი
