როგორც ვიცით, საქართველოს მთავრობის მიერ ამოქმედებული თხილის ხელშეწყობის პროგრამა, წლის დასაწყისიდანვე ხორცილედება.
ხდება ყველა სოფლის თუ ქალაქ ოზურგეთის მცხოვრებ იმ ბენეფიციართა რეგისტრაცია, ვისაც ამ კულტურის ფართობი აქვს.
პროგრამის მიხედვით, ბენეფივიართა რეგისტაციას ვადა 28 აპრილამდე ჰქონდა. ხოლო აგრობარათებზე დარიცხული ქულების გამოყენება შესაძლებელი იქნება 31 აგვისტოს ჩათვლით.
ბოლო ორი დღეა, განსაკუთრებული ხალხმრავლობაა ოზურგეთის მერიაში, სოფლის მეურნეობის საინფორმაციო ცენტრის მისაღებთან.
26 აპრილს აქ მარტო სოფელ შემოქმედიდან 80 ოჯახის წარმომადგენელი მივიდა.
_ვერ მოვასწარით რეგისტრაცია, როცა სოფელში მუშაობდა შესაბამისი ჯგუფი. არაფერი ვიცით, დღეს მოვასწრებთ თუ არა რეგისტრაციას. ძალიან შეწუხებული ვართ, _ თქვეს „გურია ნიუსთან“ აქ მყოფმა სოფელ შემოქმედის მცხოვრებლებმა.
-გაგვიშვეს. სოფელ ოზურგეთში დარეგისტრირდითო. სად წავიყვანო მოხუცებული მამაჩემი? ქალაქში უნდა ჩამოვიდე, მერე იქეთ უნდა წავიდე. საშველი არაა. ვითომ გაამარტივეს ქულების დარიცხვის წესი და ესაა? _ თქვა ჩვენთან სოფელ ჭანიეთის მცხოვრებმა ლია მამინაშვილმა.
„გურია ნიუსი“ აღნიშნულ სამსახურში, სპეციალისტებს ესაუბრა.
_არასწორია ეს ინფორმაცია. სოფელ ოზურგეთში კი არ გადავამისამართეთ, მეორე პუნქტი დავამატეთ და ინსპექტორები იქაც იმუშავებენ, რომ ხალხი არ დარჩეს აღურიცხავი. ხომ ყველამ იცის, ერთი წელია ცხადდება, როდის დაიწყებოდა და ასევე როდის დასრულდებოდა რეგისტრაცია? ყველაფერს აქვს ვადები. მაქსიმალურდ მობილიზებული ვართ. ვმუშაობთ აქაც და ვიმეორებთ, იქაც დავამატეთ იმიტომ, რომ არვინ დარჩეს დაურეგისტრირებელი. სამწუხაროდ, ბევრმა არ მოინდომა, დროულად მისულიყო და დარეგისტრირებულიყო. ინსპექტორების ჯგუფი მუშაობდა ყველა სოფელში, თან არაერთხელ, – გვითხრეს აქ.
მათივე თქმით, დღეს დასრულდება თხილის კადასტრში ბენეფიციართა რეგისტრაცია.
ავტორი
