ოზურგეთში, საგაზაფხულო ბაზარი საკმაოდ უცნაურია. თავდაპირველად ნიორის ფასმა გააკვირვა გურულები, როცა ერთი კილოგრამის ფასი 20 ლაზე ავიდა და საბოლოოდ, 14 ლარიდან დაბლა არ ჩამოდის. ერთი კილოგრამი ცერცვი 9 ლარი ღირს, ხოლო ერთ კილოგრამ ყველს სოფლიდან ჩამოსული ადამიანები 8 ლარად აბარებენ. გადამყიდველები კი 9-10 ლარად ყიდიან.
_მარწყვი რომ ძვირია, მესმის, ახალი ხილია, ყველას უყვარს, საკონდიტრო სივრცეში ახლა ძალიან დიდი მოთხოვნილებაა, მაგრამ ცერცვის ფასი რომ ყველის ფასს გაუტოლდება, არაა საკვირველი? _ ამბობს მომხმარებელი ნონა მალაზონია.
_ შენც არ იყიდო, ცერცვი თუ არ ჭამე, პირის გემო გაგიქრება… ყველა ვარიანტში ყველის ყიდვა სჯობს, _ ეპასუხება გვერდით მდგომი. _
კი, მარა, ყველი მაქვს, ძროხები მყავს…
_ ჰოდა, აბა , მოგეყვანა ცერცვიც…თუ არა და, შემეივლე ერთი კილო ყველი თავზე და იყიდე ცერცვი. _ ასეთი ღიმილისმომგვრელი, როგორც ადგილობრივები უწოდებენ, „ცერცვის სეზონის“ დიალოგები, დილაადრიან ისმის ოზურგეთის ბაზარში.
ავტორი
