დღეს , დილიდან, ოზურგეთში სილამაზის სალონებში მუშაობა განახლდა. ამუშავდა ქალთა ყველა სალონი, ხოლო მამაკაცთა ზოგი სალონი, რეგულაციებით განსაზღვრული ნორმების მოწესრიგებითაა დაკავებული და როგორც, გვითხრეს, ისინიც მალე შეუდგებიან მუშაობას.
როგორც სალონების ხელმძღვანელებმა „გურია ნიუსთან“ განაცხადეს, მათ ძირითადად, მომხმარებელთა ჩაწერას უწევთ, რომ დისტანცირებულად, ნორმების დაცვით მოხდეს ქალბატონების მომსახურება.
სილამაზის სალონ „ამილოს“ დირექტორი, ოლია სირაძე თავისი სალონის გამართულად მუშაობაზე საუბრობს და ამბობს, რომ ამ მუშაობის ერთ-ერთ უმნიშვნელოვანეს ფაქტორად მიაჩნია სავარცხლების სტერილიზატორი, რომელიც სალონში აქვს განთავსებული.
_სალონის გახსნას მომზადებული შევხვდით, თუმცა ცოტათი დაძაბული კი ვართ ამდენი შესვენების შემდეგ, უნდა ვიმუშაოთ პირბადით, დისტანცირებით, თუმცა რა ვქნათ? უნდა დავიცვათ წესები. ფართი გვყოფნის და შეგვიძლია ხუთი ადამიანი მივიღოთ. კლიენტებს წინასწარ ვწერთ, რომ გამართულ და ეფექტურ მუშაობაში ხელი არ შეგვეშალოს. გარემოცვა კარგი მყავს, პროფესიონალი გოგონები, ჩვენთან არც არავინ ეწევა და ასევე ყველა მომსვლელმა იცის, რომ სანიმუშო წესრიგი გვაქვს და სალონში არ უნდა მოწიონ. ძალიან მიხარია, რომ დავდგი სავარცხლების სტერილიზატორი. ჰიგიენა მაღალ დონეზე უნდა იდგეს, – გვითხრა ოლია სირაძემ.
_ჩვენ „ოლა სეკრეტი და მისი ანგელოზები“ ვართ – ხურობენ სალონში მომუშავე სტილისტი გოგონები და უხარიათ, რომ როგორც იქნა მათთვის სეზონი გაიხსნა.
ხალისიანი განწყობა სუფევდა სალონებში „ავენიუ“ , „A და K“ და სხვებთან, სადაც მოუთმენლად ელიან ქალაბატონებს, რომელთა სილამაზეც ჩვენს ქალაქს, თითოეულის ოჯახებს ამშვენებს.
