ვითომ პენსიონერების უფლებებისთვის მებრძოლი გიორგი ვაშაძე კიდე, “ვიღაცის” მორიგ კონკრეტულ დაკვეთას ასრულებს, მარტო ლიბერთიში კი არა, სხვა ბანკებშიც რომ წავიდეს პენსიონერების ფული! _ ამის შესახებ პოლიტიკური მოძრაობა ტრიბუნას ლიდერმა დავით ჭიჭინაძემ განაცხადა.
ჭიჭინაძის თქმით, „ვიღაცას“ ძალიან წყდება გული, რომ მარტო ლიბერთი ბანკი არიგებს პენსიებს და და ამ ვიღაცამ ააყვირა კიდეც ვაშაძე”.
„აბა, სხვა რას ნიშნავს მისი განცხადება, რომ სხვადასხვა ბანკებიდან უნდა დანაწილდეს პენსია?!
მარტო ლიბერთი ბანკი ძარცვავს ადამიანებს და სხვა ბანკები აკლებენ?!
ჩვეულებრივი სამომხმარებლო, სალომბარდე სესხები 40-45%-ია მაგალითად საქართველოს ბანკში, ( რომელიც დიდი ალბათობით გახდება კიდეც საპენსიო თანხების განმკარგავი).
ამას გარდა, ყველა ბანკს, ყველა მომსახურებაზე, თითქმის ერთნაირი პროცენტები აქვს.
მოკლედ, თუ ვინმეს მართლა უნდა, რომ პენსიონერებს რეალურად გაუადვილოს ცხოვრება, მაშინ უნდა იბრძოლოს იმისთვის, რომ პენსიონერებთან ანგარიშსწორებისთვის ბანკი საერთოდ აღარ იყოს საჭირო!
ეს კი, უმარტივესად შეუძლია ეროვნულ ბანკს გააკეთოს.
ამისთვის უნდა დადგას ერთი დიდი სერვერი, სადაც ყველა პენსიონერი იქნება აღრიცხული და პირდაპირ მისცენ ფული.
სესხისვის კი, როდესაც ბანკის რისკი ირთვება, უნდა შემოიღონ დაზღვევა.
ოღონდ სახელმწიფო და არა კერძო დაზღვევა!
სადაც ყველა გადაიხდის.
ანუ, შენ თუ 5 %-ად შენ თავს დაიზღვევ, მაშინ, როდესასაც მაგალითად ერთწლიანი 2000 ლარის გამოტანა მოგინდება, ახლა თუ ამ 2000 ლარზე პენსიონერს 800 ლარი ექვითება, რაც მართლა კატასტროფაა! 5 % -ანი დაზღვევის პირობებში გადასახდელი მხოლოდ 100 ლარი იქნება…
და იქნებ, ვიღაც, ოდესმე მაინც დაინტერესდეს ადამიანების ბედით და არა მარტო ფინანსური სექტორის მოგებით! _ განაცხდა დავით ჭიჭინაძემ.
