დღეს, 17 მაისს, ოზურგეთმა ფრენბურთში გურიის ჩემპიონატს უმასპინძლა.
სპორტის სასახლეში, ფრენბურთში ( 2005 – 06 წწ დაბად. ). შეჯიბრში ვაკიჯვრის,ბოხვაურის, მაკვანეთის, ნარუჯის, ლიხაურისა და ჯუმათის სკოლებმა მიიღეს მონაწილეობა.
თამაშები დაძაბულად და საინტერესოდ წარიმართა.
საბოლოოდ გამარჯვება და ჩემპიონის ტიტული ნარუჯის სკოლამ მოიპოვა. მეორე ადგილი და ვერცხლის მედალი ჯუმათის სკოლას ერგო. ბრინჯაოსა და მესამე ადგილს ვაკიჯვრის სკოლა დასჯერდა. გუნდები ჩემპიონატისთვის სერგო რობაქიძემ და ზაზა ქარჩილაძემ მოამზადეს.
გურიის პირველობას საქართველოს ფრენბურთის ეროვნული ფედერაციის პრეზიდენტი, გიორგი ქართველიშვილი და ვიცე – პრეზიდენტი ალექსანდრე გასვიანი დაესწრო.
ღონისძიება გაიმართა საქართველოს ფრენბურთის ეროვნული და გურიის ფედერაციის, ასევე ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანების ორგანიზებით და ფინანსური მხარდაჭერით.
გამარჯვებული გუნდები თასებით, სიგელებით, მედლებით და ფასიანი პრიზებით დაასაჩუქრეს.
შემოქმედელი მიტროპოლიტის, მეუფე იოსების სპეციალური პრიზი კი ასპარეზობის საუკეთესო მოთამაშეს გადასცეს.
ავტორი
