პირველი იანვრიდან ქვეყანაში დაგროვებითი პენსია ამოქმედდა. ახალი სისტემა სავალდებულოა 40 წლამდე მოქალაქეებისთვის, სხვა შემთხვევაში კი ნებაყოფლობითი. საპენსიო სააგენტოში პირველი სამუშაო დღე აქვთ. ამოქმედდა ცხელი ხაზი. ოპერატორები მოქალაქეების პირველ შეკითხვებს პასუხობენ. ასევე ამუშავდა ვებგვერდი, სადაც მოსახლეობას შეუძლია, საკუთარი ხელფასისა და ასაკის მიხედვით გამოთვალონ, თუ რამდენი იქნება საპენსიო ასაკში მათი პენსია.
დასაქმებულებისთვის, ვინც მიმდინარე წლის 6 აგვისტომდე 40 წელი არ ჰქონდა შესრულებული, პროგრამაში მონაწილეობა სავალდებულოა. მათ პენსიისთვის ხელფასიდან ყოველთვიურად 2 პროცენტი ჩამოეჭრებათ, ამდენივეს გადარიცხავს ფონდში დამსაქმებელი კომპანია და სახელმწიფო.
