politico წყაროზე დაყრნობით წერს, რომ ევროკომისია მზადაა უკრაინას ევროკავშირის კანდიდატი ქვეყნის სტატუსი ოფიციალურად მიანიჭოს.
ოფიციალური პირები, ვინც საკითხის ირგვლივ გამართულ დებატებს იცნობენ, ამბობენ, რომ ნათლად იყო გაცნობიერებული უკრაინელების მიერ გაღებული მსხვერპლი და აშკარად აღიარებული იყო რუსეთის პრეზიდენტ ვლადიმერ პუტინისთვის ძლიერი გზავნილის გაგზავნის აუცილებლობა, რომ მან დაკარგა ყოველგვარი შანსი უკრაინის თავის სავარაუდო გავლენის სფეროში დაბრუნების.
„კომისიას არ ავიწყდება, რომ უკრაინა ერთადერთი ქვეყანაა ევროპაში, სადაც ადამიანები დაიღუპნენ, იმის გამო, რომ ისინი ქუჩებში ევროკავშირის დროშებით იმყოფებოდნენ“, – თქვა ერთ-ერთმა მაღალჩინოსანმა. „ახლა, ჩვენ არ შეგვიძლია ვუთხრათ მათ, „ბოდიში ბიჭებო, თქვენ არასწორ დროშებს აფრიალებდით”,_ ამბობს გამოცემის წყარო.
შეგახსენებთ, რომ ევროკავშირის წევრობის კანდიდატის ქვეყნის სტატუსის მისაღებად მოლდოვამ და საქართველომაც განაცხადეს.
გამოცემის წყაროს ინფორმაციით, ოფიციალურმა პირებმა განაცხადეს, რომ ევროკომისრები ძირითადად მხარს უჭერდნენ მოლდოვას, სადაც ახლა მტკიცედ მომხრე ევროკავშირის მთავრობაა, მაგრამ ისინი ნაკლებად იყვნენ დარწმუნებულნი საქართველოს მიმართ, რომელიც განიცდიდა ყოვლისმომცველ პოლიტიკურ არეულობას და შესამჩნევია დემოკრატიული უკანდახევა ბოლო წლებში.
