პოლონეთის საპრეზიდენტო არჩევნების მეორე ტურში კონსერვატორმა კაროლ ნავროცკიმ გაიმარჯვა.
1 ივნისს ჩატარებული საპრეზიდენტო არჩევნების მეორე ტურში მოსახლეობის აქტივობა 71.63% იყო.
პოლონეთის სახელმწიფო საარჩევნო კომისიის მიერ ყველა ოლქის მასშტაბით გამოქვეყნებული არჩევნების შედეგების მიხედვით, ნავროცკიმ ხმათა 50.89%, ხოლო ტშასკოვსკიმ – 49.11% მიიღო.
არჩევნების დასრულების შემდეგ კაროლ ნავროცკიმ პირობა დადო, რომ პოლონეთში პატრიოტულ ბანაკს გააერთიანებს, იმ ადამიანების ბანაკს, რომლებსაც არალეგალი მიგრანტების გარეშე ნორმალურ პოლონეთში ცხოვრება სურთ.
