პოლონეთის სოფელ ფშევოდუვში ორი რუსული რაკეტა ჩამოვარდა, რასაც ორი ადამიანი ემსხვერპლა. ინფორმაცია ამის შესახებ აშშ–ის მაღალჩინოსანზე დაყრდნობით გამოცემა The Associated Press – თან და The Washington Post–თან აშშ–ს დაზვერვის ანონიმურმა წყარომ თქვა. მისი ინფორმაციით, პოლონეთში, უკრაინის საზღვართან რუსული რაკეტა ჩამოვარდა, რასაც ორი ადამიანი ემსხვერპლა.
ცნობისთვის, აქამდე პოლონური რადიოსადგურის Radio Zet-ის კორესპონდენტმა გაავრცელა ინფორმაცია, რომ სოფელ ფშევოდუვში, მარცვლეულის საშრობ ქარხანასთან მოხდა აფეთქება, რომელიც უკრაინასთან საზღვართან ახლოს მდებარეობს, ორი რაკეტა დაეცა მარცვლეულის საშრობს, რამაც ორი ადამიანის სიცოცხლე იმსხვერპლა. მათი ცნობით, ადგილზე მობილიზებული იყვნენ პოლიციისა და პროკურატურის წარმომადგენლები, ასევე სამხედროები.
პარალელურად, პოლონეთის სამთავრობო სპიკერმა პიოტრ მიულერმა განაცხადა, რომ ქვეყნის პრემიერ–მინისტრი მატეუშ მორავიეცკი ეროვნული უსაფრთხოებისა და თავდაცვის მინისტრთა საბჭოს კომიტეტის საგანგებო სხდომას გამართავს. ოფიციალურ დონეზე პოლონურ მხარეს არ დაუდასტურებია ინციდენტში რუსეთის მონაწილეობა.
ცნობისთვის, პოლონეთი NATO-ს წევრი ქვეყანაა.
ავტორი
