საქართველოში კალათბურთის განვითარების საქმეში შეტანილი განსაკუთრებული წვლილისა და საერთაშორისო ასპარეზზე საქართველოს პოპულარიზაციისთვის გიორგი მარგველაშვილმა ზაზა ფაჩულიას ღირსების ორდენი პირადად გადასცა.
გიორგი მარგველაშვილმა ქართველ კალათბურთელს მადლობა გადაუხადა ქვეყნის პოპულარიზაციისთვის შეტანილი წვლილისთვის და საქართველოს ნაკრებს ევრობასკეთზე წარმატება უსურვა.
ზაზა ფაჩულია საქართველოში გუშინ ჩამოვიდა და NBA-ის საჩემპიონო თასი ჩმოიტანა.
პრეზიდენტის სასახლეში მიმდინარე ცერემონიას ზაზა ფაჩულიას ოჯახის წევრები, საქართველოს ეროვნული საკალათბურთო ნაკრები, მწვრთნელები და Golden State Warriors-ის წარმომადგენლები დაესწრნენ.
