პენტაგონიდან გაჟონილი ე.წ. დისკორდის ფაილების მიხედვით, 2023 წლის იანვარში კერძო სამხედრო კომპანია ვაგნერის ჯგუფის დამფუძნებელმა, რუსმა ოლიგარქმა ევგენი პრიგოჟინმა უკრაინელ სამხედრო მეთაურებს შესთავაზა, რომ ბახმუტის ზონიდან ჯარები გაეყვანათ, სანაცვლოდ ის კიევს გადასცემდა ინფორმაციას რუსეთის შეიარაღებული ძალების პოზიციებზე, რასაც უკრაინა მათზე თავდასასხმელად გამოიყენებდა, – ამის შესახებ The Washington Post-ი წერს.
თუმცა სტატიაში არ არის დაკონკრეტებული, რა პოზიციებზე იყო საუბარი.
როგორც გამოცემა წერს, პრიგოჟინი ეკონტაქტებოდა უკრაინის სამხედრო დაზვერვას და მათთან საუბარი ომის განმავლობაში შენარჩუნებული ჰქონდა.
ორმა უკრაინელმა ოფიციალურმა პირმა ჟურნალისტებს დაუდასტურა, რომ პრიგოჟინი არაერთხელ დაუკავშირდა უკრაინის დაზვერვის მთავარ დირექტორატს (GUR). ერთ-ერთმა წყარომ თქვა, რომ პრიგოჟინმა არაერთხელ გაიმეორა თავისი წინადადება ბახმუტთან დაკავშირებით, მაგრამ უკრაინის ხელისუფლება არ თანამშრომლობდა, რადგან ისინი არ ენდობოდნენ PMC-ის დამფუძნებელს
ვრცელ აუდიო კომენტარში პრიგოჟინმა WP-ის ბრალდებებს სპეკულაცია უწოდა და აღნიშნა, რომ სტატია გამოჩნდა იმის გამო, რომ “ზოგიერთმა ჟურნალისტმა გადაწყვიტა აჟიოტაჟის ატეხვა” ან ზოგიერთმა “ამხანაგმა რუბლიოვკადან” გადაწყვიტა ,,შიში დათესოს“ ბრალდებებზე კი, დაწვრილებით კომენტარს არ აკეთებს.
Washington Post ხაზს უსვამს, რომ პრიგოჟინი ბოლო პერიოდში აქტიურად დაუპირისპირდა რუს სამხედრო მაღალჩინოსნებს, თუმცა ამასთანავე ვლადიმირ პუტინის მოკავშირეა და ამ უკანასკნელმა შეიძლება რუსი ოლიგარქის ვაჭრობა რუსი სამხედროების სიცოცხლით, ღალატად ჩათვალოს.
დოკუმენტებში ხაზგასმული არაა რუსი სამხედროების რომელ პოზიციებზე იყო საუბარი.
გამოცემა წერს, რომ ორმა უკრაინელმა მაღალჩინოსანმა მათთან დაადასტურა, რომ პრიგოჟინსა და უკრაინის დაზვერვას შორის საუბარი რამდენჯერმე შედგა. ერთ-ერთი წყაროს თქმით, პრიგოჟინმა ნახსენები შეთავაზება რამდენჯერმე წამოჭრა, მაგრამ კიევმა უარი თქვა, რადგან მას არ ენდობოდნენ და მოტყუების საფრთხე არსებობდა.
Washington Post -სთან ამერიკელმა მაღალჩინოსანმა ასევე აღნიშნა, რომ პრიგოჟინის მიზნებთან დაკავშირებით ეჭვი ვაშინგტონშიც არსებობდა.
13 მაისს The Washington Post-მა გამოაქვეყნა უკრაინის პრეზიდენტ ვლადიმირ ზელენსკის ინტერვიუს “ნაწილობრივი” ჩანაწერი გაზეთის ჟურნალისტთა ჯგუფის მიერ. მისგან ამოიღეს ფრაგმენტი, სადაც ზელენსკი კომენტარს აკეთებდა გურსა და პრიგოჟინს შორის კონტაქტების შესახებ ბრალდებებზე.
The Washington Post-ისთვის მიცემულ ინტერვიუში უკრაინის პრეზიდენტს, ვოლოდიმირ ზელენსკის ჰკითხეს აფრიკაში პრიგოჟინისა და უკრაინის დაზვერვის მთავარი სამმართველოს (ГУР) წარმომადგენლების შეხვედრის შესახებ. ჟურნალისტის თქმით, ე.წ. დისკორდის ფაილებში ნათქვამი იყო, რომ ГУР-სა და ევგენი პრიგოჟინს შორის არსებობდა კონტაქტი, რის შესახებ თავად პრეზიდენტმაც იცოდა.
კითხვას ვოლოდიმირ ზელენსკის მკაცრი პასუხი მოჰყვა.
“ეს არის სამხედრო დაზვერვის საკითხი. გინდათ, რომ ღალატისთვის დამსაჯონ? და ამიტომ, ძალიან საინტერესოა, თუ ვინმე იტყვის, რომ გაქვთ დოკუმენტები, ან ვინმე ჩვენი მთავრობიდან საუბრობს ჩვენი დაზვერვის საქმიანობაზე”, – თქვა მან შორის.
კიევი აცხადებს, რომ მოსკოვთან მოლაპარაკებებს არ აწარმოებს. ერთადერთი გამონაკლისი არის მოლაპარაკებები პატიმრების გაცვლის შესახებ, რომელიც მიმდინარეობს GUR-ის ეგიდით.
მანამდე კიევში BBC-ის თანამოსაუბრემ, რომელიც მონაწილეობდა პატიმრების გაცვლის ორგანიზებაში და კარგად იცნობდა ამ პროცესს, თქვა, რომ GUR მოლაპარაკებებს აწარმოებს, სხვა საკითხებთან ერთად, ვაგნერის PMC-ის წარმომადგენლებთან. მისი თქმით, გაცვლის დისკუსია მიმდინარეობს სამი მიმართულებით – რუსეთის გენერალურ შტაბთან, თვითგამოცხადებული DPR-ის ხელმძღვანელობასთან, ასევე “პრიგოჟინისთან”, როდესაც საქმე ეხება პატიმრებს ან დაღუპულთა ცხედრებს. ბახმუტის მიმართულება.
WP წერს, რომ კიდევ სხვა გაჟონილი დოკუმენტების მიხედვით, რუსეთის თავდაცვის სამინისტროში ფიქრობდნენ, რა უნდა ყოფილიყო მათი პასუხი პრიგოჟინის კრიტიკაზე. საუბარი იყო ძალაუფლებისთვის დაპირისპირებაზე პრიგოჟინსა და რუსეთის თავდაცვის მაღალჩინოსნებს, მათ შრის სერგეი შოიგუს შორის.
გამოცემა დოკუმენტებზე დაყრდნობით წერს, რომ ამ ყველაფრის ფონზე პრიგოჟინს უკრაინის დაზვერვასთან ჰქონდა საიდუმლო კავშირი, არამხოლოდ სატელეფონო ზარები, არამედ პირისპირ შეხვედრები დაზვერვის ოფიცრებთან აფრიკის ერთ-ერთ ქვეყანაში. ფაილების მიხედვით, პრიგოჟინი უკრაინელებსიგან რუსეთის შეიარაღებულ ძალებზე უფრო ძლიერ დარტყმებს მოითხოვდა.
ერთ-ერთი დოკუმენტის მიხედვით, პრიგოჟინმა უკრაინის დაზვერვას უთხრა, რომ რუსეთის ჯარებს საბრძოლო მასალის ნაკლებობა ჰქონდა. მან უკრაინის ძალებს ყირიმის მიმართულებით შეტევის წამოწყება ურჩია, სანამ რუსი სამხედროების საბრძოლო სულისკვეთება დაცემული იყო. ცნობაში ასევე ნათქვამია, რომ ვაგნერის ძალებში ბახმუტში მიცემულ დავალებებს დანაკარგების შიშის გამო არ ასრულებდნენ.
უკრაინელმა მაღალჩინოსანმა ანონიმურად თქვა: “გყავდეს მეგობრები ახლოს, მტრები კი კიდევ უფრო ახლოს”.
დოკუმენტების მიხედვით, კიევში ეჭვობენ, რომ კრემლში, სულ მცირე, პრიგოჟინისა და უკრაინის დაზვერვის კომუნიკაციების შესახებ იცოდნენ.
WP წერს, რომ ერთი ფაილის მიხედვით, უკრაინის დაზვერვის მეთაური, კირილო ბუდანოვი ფიქრობდა, რომ რუსეთი ამ დეტალებს გამოიყენებდა, რათა პრიგოჟინი უკრაინის აგენტად გამოეცხადებინათ.
ავტორი
