დღეს, დილიდან, ოზურგეთში თხილს ცალკეულ პუნქტებში გაუტეხავად იბარებენ. თუმცა ზოგან ჩოჩქოლი და უკმაყოფილო შეძახილები ისმის.
_ახლახან დარეკეს, „პრიკაზია“ დაიწყეთ გატეხვა და ერთ ცალში 40 თეთრი გადაიხადეთო. ერთი კვირაა, ასე გვატერორებენ. ჯერ არ დაწყებულა, თუმცა დაიწყება, აბა, რა იქნება. ხუთი ცალი არ გამოდის საღი გული, ათ თხილის მარცვალს რომ გატეხავ. ანუ, 2 ლარსაც ვერ გადავიხდით კილოგრამში. ეს იმას ნიშნავს, ჩვენც დავიხუროთ ქუდი და შინ წავიდეთ. პურის ფულის ძებნა რომ გვიწევს, თორემ ასეთ სამსახურს რა ვუთხარი, _ ვიშვიშებენ თხილის მიმღები ქალბატონები.
_მობრძანდით და ეს გადაიღეთ. ამას რომ ადამიანი მოიტანს, თუ უნდა გადაუხადო ფული? შეხედეთ, ნაგავია…
_რატომ ჩაიბარეთ ასეთი თხილი?
_რა ვქნა, გადავარჩიე აგერ, ვიზარალე ნაწილობრივ. შინიდან წამოსული რომ ვარ, პურის ფული ხომ უნდა წავიღო. ესაა საქმე და ამბავი? – გვითხრა ერთ-ერთმა თხილის მიმღებმა ქალბატონმა. თან გაგვაფრთხილა, მე არ გადამიღოთ სურათი, ამ თხილს გადაუღეთ, ნახეთ, ხალხს როგორი „გარჩეული“ მოაქვსო.
ტომარაში , მართაც ნახვრად გარჩეული თხილი ეყარა.
თუმცა სრულყოფილი პასუხი კითხვაზე, რატომ იბარებენ ნაგავიან თხილს. გარკვეულად ვერავინ ამბობს.
_საბოლოოდ კი, ყველა ერთად, გადამყიდველი, მყიდველი, თხილის ჩამომტანი თუ „პრიკაზის“ გამცემი, თანაბრად აზიანებენ თხილის ხარისხს და აქედან გამომდინარე თითოეული ჩვენგანის ჯიბეს, – ბრაზობენ გურულები.
