პროდუქტები, რომელიც კბილებს ყველაზე მეტად ვნებს

კბილების დაზიანება მხოლოდ ტკბილეულს კი არა, სხვა პროდუქტსაც შეუძლია. სტომატოლოგები ასეთი პროდუქტების სიფრთხილით მოხმარების რეკომენდაციას იძლევიან. კბილებისთვის პოტენციურად სახიფათო პროდუქტების სია კი ასეთია:

პოპკორნი – შეიძლება, სიმინდის მარცვლის ნაწილები კბილებს შორის გაიჭედოს და ღრძილების სერიოზული დაზიანება გამოიწვიოს.

ჩირი – სასარგებლოა ორგანიზმისთვის, მაგრამ სახიფათოა კბილებისთვის, რადგან მასში არსებული ხილის შაქრის მაღალი კონცენტრაცია კბილების მდგომარეობაზე უარყოფით გავლენას ახდენს.

მზესუმზირა – ჩენჩოს მოცილების დროს, წინა კბილების ემალი ზიანდება. ხოლო, მისმა წვეტიანმა ფორმამ, შეიძლება, ღრძილები დააზიანოს და ანთებითი პროცესი გამოიწვიოს.

კოფეინის შემცველი სასმელები – ეს სასმელები, მოხმარებიდან ერთი საათის მანძილზე, ნერწყვის გამომუშავებას აფერხებს და ამ ხნის განმავლობაში, კბილები გარე საფრთხეებისგან დაუცველი ხდება.

ენერგეტიკული სასმელები – მჟავები და შაქარი, რომელსაც მაღალი კონცენტრაციით შეიცავს ეს პროდუქტი, ძალიან სწრაფად ანადგურებს კბილის ემალს.