წარმოგიდგენთ საკვებ პროდუქტებს, რომლებთან ერთად ალკოჰოლის მიღება არ შეიძლება:
სწრაფი კვება
ზოგადად ასეთი საკვები თავადვე საზიანოა ადამიანისთვის, მითუმეტეს თუ ხშირად მივირთმევთ, მაგრამ მასთან ერთად ალკოჰოლის დალევა კიდევ უფრო საზიანოა. ასეთი საკვები დიდ დატვირთვას აკეთებს ღვიძლზე, ალკოჰოლი კი ამ დატვირთვას აორმაგებს.
გაზიანი სასმელები
ამერიკელი მეცნიერების კვლევის საფუძველზე დადგინდა, რომ ალკოჰოლისა და გაზიანი სასმელების კომბინაცია ძლიერ ინტოქსიკაციას იწვევს. მიზეზი, შეიძლება იყოს, ის რომ გაზიანი სასმელი შეიცავს შაქარს, ალკოჰოლი კი სისხლის მიმოქცევის პროცესს ანელებს.
მარილიანი საჭმელი
ყველა ბარში თუ კლუბში გვხდება ლუდზე მისაყოლებელი მარილიანი საჭმელი, როგორიცაა ჩიფსი, თხილი ან კარტოფილი ფრი. მიზეზი მარტივია: მარილიანი საკვები გვიჩენს წყურვილის გრძნობას, ამიტომ უფრო მეტ სასმელს ვსვამთ.
ყავა და ენერგეტიკული სასმელები
ალკოჰოლი ცუდ ზეგავლენას ახდენს ნერვულ სისტემაზე, ყავა და ენერგეტიკული სასმელები კი დიდი რაოდენობის კოფეინს შეიცავენ. ალკოჰოლთან ერთად მათი მიღება ალკოჰოლის ზემოქმედებას ამცირებენ, რის გამოც გვგონია, რომ არ ვთვრებით და ალკოჰოლის მიღებას ისევ ვაგრძელებთ. ამ ყველაფერს კი შეუძლია სერიოზული ზიანი მოუტანოს ჩვენს ჯანმრთელობას.
