ქალწულის ასტროლოგიური დახასიათება

წარმოუდგენლად მგრძნობიარეა. მან ამის შესახებ შესანიშნავად იცის და ამ გრძნობების გამოაშკარავება არ სურს. სწორედ ამიტომ, ემოციების შესაკავებლად დიდ ძალისხმევას ხარჯავს. ზოგჯერ ემოციებს იმდენად თრგუნავს, რომ საკუთარ თავს აზიანებს. თუმცა გულწრფელობას მაშინ ბედავს, როცა თავს სრულად უსაფრთხოდ გრძნობს.

ქალწულისთვის მნიშვნელოვანია, რომ მას მოუსმინონ. თუ ქალწული ემოციური აფეთქების დროს იხილეთ, როცა ის ყველაფერს ყვება და გრძნობებს არ მალავს, იცოდეთ, რომ გენდობათ. ეს დააფასეთ.

მისთვის ყველა ფსიქოლოგიური თამაში, მანიპულაცია და ტყუილი მიუღებელია. ქალწულთან გულწრფელი და 100 პროცენტით გულახდილი უნდა იყოთ, წინააღმდეგ შემთხვევაში თქვენ ერთი გზა არ გაქვთ. ქალწულის სტიქია პირფერობას და თვალთმაქცობას ვერ იტანს.

ქალწულისთვის უწესრიგობა მიუღებელია, ყველაფერი იდეალურად უნდა იყოს. წესრიგის შესახებ მისი სტანდარტების მიხედვით არ იცხოვროთ, ეს შეუძლებელია. ამას თავად ქალწულიც აღიარებს. მაგრამ, თუ ქალწულთან ურთიერთობა გსურს, აჩვენეთ მაინც, რომ სახლში, ცხოვრებასა და ფიქრებში ჰარმონიის და წესრიგის დამყარებას ცდილობთ.

თუ ქალწულის გვერდით ხართ, მისი განებივრება არ დაგავიწყდეთ. თავად ამის გაკეთება არ შეუძლია. მხოლოდ ქალწულს შეუძლია ბევრი გასცეს და თავისთვის ცოტა აიღოს. თუ ქალწული ძალიან მკაცრი გეჩვენებათ, დაფიქრდით, რომ საკუთარი თავის მიმართ ასმაგად მკაცრია. ქალწული მასზე ზრუნვას დიდად აფასებს და ამას ბოროტად არასდროს გამოიყენებს.

ქალწულის ინტუიციის სათანადოდ არ დაფასება არ ღირს. თავად ყოველთვის სინდისიერად იქცევა და სიმართლეს ამბობს, ამიტომ მატყუარას კილომეტრებში გრძნობს. თუ რაიმე თაღლითობას გეგმავთ, ქალწულის წინააღმდეგ არაფერი მოიმოქმედოთ, ის ყველაფერს გაიგებს. მას ვერაფერს დაუმალავთ მაშინაც კი, თუ კარგი განზრახვა გაქვთ.

ერთგულება ქალწულის მთავარი თვისებაა. ყველაფრის მიუხედავად მეგობრების და პარტნიორის გვერდით რჩება. ქალწული ერთგული მეგობარია, რომელსაც შეგიძლიათ ნებისმიერ სიტუაციაში ენდოთ. თუ ურთიერთობა ცალმხრივი იქნება, ქალწული სამუდამოდ წავა.

ის იმ ადამიანთა კატეგორიას მიეკუთვნება, ვინც გვიანობამდე მუშაობს, ბეჯითად სწავლობს და ყველა ამოცანას ასრულებს. საკუთარი შრომისმოყვარეობით ამაყობს და ზარმაცებს ვერ იტანს. ყველაფერი დაწყობილი და დაგეგმილი აქვს, საქმის დრო, გართობის დრო.

ქალწულს თავისუფლად სუნთქვა სჭირდება. ცოტა თავისუფალი სივრცე დაუტოვეთ მას ხალხი უყვარს, მაგრამ ზოგჯერ იღლება. ამ დროს ყველასა და ყველაფრისგან გაქცევა და მარტოობაში ყოფნა სჭირდება, რომ ძალები აღიდგინოს. თუ დროებს შორის ბალანს იპოვით, როცა თქვენ ქალწულთან ხართ, და როცა ის მარტოა, ყველაფერი კარგად იქნება.

სხვების მიმართ მისი კრიტიკა არაფერია იმასთან შედარებით, თუ საკუთარი თავის მიმართ რამდენად კრიტიკულია. სწორედ ამიტომ, მას ყოველთვის მხარდაჭერა სჭირდება. სჭირდება ის, ვინც შეაქებს და მის გამარჯვებას ღირსეულად დააფასებს. ქალწულს სჭირდება, რომ ვინმე, ვინც მისი მიღწევებით მასზე უფრო მეტად იამაყებს.

თავიდან ქალწული თავშეკავებული გვეჩვენება, მაგრამ როგორც კი უსაფრთხოებას იგრძნობს, თავის გამოვლენას იწყებს. ქალწული ურთიერთობაში 100%–ს დებს. ამას მაშინ იგრძნობთ, როცა ქალწული თქვენთან ბოლომდე გაიხსნება.