„ქართულმა ოცნებამ“ სოფელ გორაბერეჟოულში, ერისთავების სასახლეში ჩოხატაურის მერობის კანდიდატი, დავით შარაშიძე წარადგინა. მერობის კანდიდატის წარდგენისას პრემიერ-მინისტრმა ირაკლი ღარიბაშვილმა თქვა, რომ „ოცნების“ მმართველობის პერიოდში ქვეყანაში არაერთი ამბიციური გეგმა გახორციელდა და კიდევ გახორციელდება.
„ამ უნიკალურ ადგილას გვახსენდება თუ რა დიდი პოტენციალი აქვს ჩვენს ქვეყანას და ჩოხატაურს ამ შემთხვევაში. ჩოხატაურში ბევრი რამ შეიძლება გაკეთდეს, ეკოტურიზმი უნდა იყოს ერთ-ერთი მთავარი წამყვანი, ტურისტული ცენტრი უნდა გახდეს ეს რაიონი, სწორედ ამ ადგილს აქვს ამის უნიკალური პოტენციალი. ბოლო წლებში ჩვენ ბევრი რამ გავაკეთეთ არაერთი მიმართულებით, ინფრასტრუქტურა, გზების მშენებლობა, წყალგაყვანილობა და სხვა, თუმცა ეს არაა საკმარისი. არაერთი სკოლა და საბავშვო ბაღი აშენდა. სოფლის მეურნეობაში ჩვენ გვაქვს ძალიან ამბიციური გეგმა, რაც შვიდი მილიარდი ლარის ინვესტიციას გულისხმობს მომდევნო წლების განმავლობაში და რა თქმა უნდა, გურია იქნება ერთ-ერთი წამყვანი. მართალია ჩოხატაურს მცირე მიწის რესურსი აქვს, მაგრამ თითო გოჯი უნდა ავითვისოთ. არაერთი პროგრამა წამოვიწყეთ და საქმით დადასტურდა, რომ ყველა ეს პროგრამა არის ხელშესახები შედეგების მომტანი“, _ განმარტა პრემიერმა, რომლისვე თქმით, ხელისუფლებას სამომავლოდ არაერთი ამბიციური გეგმა აქვს სხვადასხვა მიმართულებებით- განათლების, ჯანდაცვის, სოფლის მეურნეობის კუთხით.
პარლამენტის თავმჯომარის კახა კუჭავას თქმით, ის დარწმუნებულია, რომ თვითმმართველობის არჩევნებში „ოცნების“ გამარჯვება გარდაუვალია.
„ჩვენ აუცილებლად გავიმარჯვებთ ამ არჩევნებშიც, გვეყოლება ძლიერი გუნდი, ძლიერი საკრებულო და თითოეულ ჩოხატაურელს ექნება შესაძლებლობა მონაწილეობა მიიღოს გადაწყვეტილების მირების პროცესში. განსაკუთრებით ახალგაზრდები, რომლებიც ძალიან განათლებულები და ნიჭიერები არიან“, _ აღნიშნა კახა კუჭავამ, რომელმაც დასასრულს წარმატებები უსურვა „ოცნების“ კანდიდატსა, პარტიას, ჩოხატაურს და სიტყვა ვიცე-პრემიერს ლევან დავითაშვილს დაუთმო.
„როცა ჩოხატაურზე ვსაუბრობთ, ვსაუბრობთ მის ულამაზეს ბუნებაზე და ეს ბუნებრივი პოტენციალი უნდა გამოვიყენოთ მაქსიმალურად, იმისთვის რომ კეთილდღეობა შემოვიტანოთ და ეკონომიკა განვავითაროთ.“-აღნიშნა ვიცე-პრემიერმა
მერობის კანდიდატმა დავით შარაშენიძემ საკუთარი გამოსვლის დასასრულს იმედი გამოთქვა, რომ ორი ოქტომბერი გამარჯვების დღე იქნება და ის გუნდი წარადგინა, რომელთან ერთადაც გამარჯვებას გეგმავს მომავალ თვითმმართველობის არჩევნებზე: ჯუმბერ ბერძენიშვილი, გოჩა ჯიქია, ზვიად წეროძე, გივი ჩხიკვაძე, ლაშა თოლორდავა, ზაურ ზარბაზოია, ლაშა ირემაძე, ბიძინა ცინცაძე, ზვიად მამალაძე, მიხეილ თავართქილაძე, კახაბერ სიხარულიძე, აკაკი ყაჭეიშვილი.
[sexy_author_bio]
