ყოფილი ევროპარლამენტარი ანა ფოტიგა სოციალურ ქსელში ეხმაურება საქართველოში განვითარებულ პროცესებს.
„მიხეილ ყაველაშვილი, ყოფილი ფეხბურთელი, 2024 წლის 14 დეკემბერს საქართველოს პრეზიდენტად აირჩიეს. არჩევნები, რომლებიც 2017 წლის საკონსტიტუციო ცვლილებების შედეგად ჩატარდა, პირველად 300-წევრიანი საარჩევნო კოლეგიის მიერ იქნა განხორციელებული. ყაველაშვილი ერთადერთი კანდიდატი იყო, რომელსაც ბიძინა ივანიშვილთან დაკავშირებული მმართველი გუნდი უჭერდა მხარს. კენჭისყრას ბოიკოტი გამოუცხადეს ოპოზიციის წარმომადგენლებმა, მათ შორის აფხაზეთის ავტონომიური რესპუბლიკის ასამბლეის წევრებმა. მოსახლეობაში არსებული პოპულარული პრეფერენციების საწინააღმდეგოდ, ანტიევროპული ბანაკი უფრო გაბატონებულია მმართველ სტრუქტურებში. ახალი პრეზიდენტის ინაუგურაცია 2024 წლის 29 დეკემბრისთვის იგეგმება.
ძალიან სამწუხარო შედეგებია იმ პროცესების, რომლებსაც მსოფლიოს სხვადასხვა ნაწილში ვაკვირდები: მოსახლეობის დიდი, სავარაუდოდ გადამწყვეტი ჯგუფების ნება სრულად იგნორირებული იქნა ელიტების მიერ, რომლებიც ძალაუფლებას მანიპულაციისა და თაღლითობის გზით აღასრულებენ.
ქართველო მეგობრებო, მე მსურს, გაგიზიაროთ პოლონეთის ყოფილი პრეზიდენტის ლეხ კაჩინსკის სიტყვები: „სამართლიანები არიან ისინი, ვინც თავისუფლებისთვის იბრძვიან”. მე დარწმუნებული ვარ, რომ ისინი საბოლოო ჯამში გაიმარჯვებენ“, – წერს ფოტიგა სოციალურ ქსელში.
Micheil Kavelashvili , former soccer player was elected on December 14, 2024 a President of Georgia. The election, following 2017 constitutional amendments , was executed for the first time by a 300-members College of Electors. Kavelashvili was a sole candidate, endorsed by the…
— Anna Fotyga (@AnnaFotyga_PL) December 14, 2024
