ყველაზე მიუწვდომელი ქალები

თხის რქა

ერთ-ერთი წარმომადგენელი თხის რქაა. გარეგნულად ზოდიაქოს ეს ნიშანი შეიძლება ცივი და ეგოისტური ჩანდეს. ხშირად ირჩევენ ასაკით უფროს მამაკაცებს, რადგან თავდაჯერებულ პარტნიორს ეძებენ. მოკლევადიანი რომანებით ნაკლებად ინტერესდებიან, სამაგიეროდ, მათი გულის მოსაგებად ნებისმიერ მამაკაცს ყველანაირი ძალისხმევის გაღება მოუწევს. ურთიერთობაში მყოფ თხის რქებს გრძნობების დამალვა დიდი ხნის განმავლობაში შეუძლიათ და წლების შემდეგაც არ აჩვენებენ, თუ რამდენად უყვართ პარტნიორი. მათ ძალიან უჭირთ თბილი სიტყვებისა და ემოციების გამოვლენა და როგორც წესი, ამას საკუთარ თავში მალავენ.

ლომი

ზოდიაქოს ამ ნიშნის წარმომადგენლებს საკუთარი თავი ძალიან უყვართ და ფიქრობენ, რომ ყველაფერს საუკეთესოს იმსახურებენ. თითოეულ დეტალს დიდი ყურადღებით აკვირდებიან. მამაკაცს მისი გულის მოსაგებად ბევრი განსხვავებული იდეა უნდა ჰქონდეს, რადგან ლომები ფიქრობენ, რომ განსაკუთრებულები არიან და გაცვეთილ, ბანალურ გზებს არ აღიარებენ. ხოლო, თუ საკმარის დაფასებას ვერ იგრძნობენ, მალევე თქვენს შემცვლელს იპოვიან.

ქალწული

ამ სიაში ქალწულებიც მოხვდნენ. სიყვარულში ძალიან ფრთხილები არიან. თავიდან ისინი აწონ-დაწონიან დადებით და უარყოფით მხარეებს და მხოლოდ ამის შემდეგ გადაწყვეტენ პაემანზე წასვლასა თუ სერიოზულ ურთიერთობას, ამიტომ მათი ყურადღების მიქცევა არც ისე ადვილია. ქალწულებს მოსწონთ ყველაფრის კონტროლი, მათ შორის, გრძნობების. მუდმივად მოგიწევთ, რომ მას სიყვარული დაუმტკიცოთ.

თევზები

თევზებმა აშკარად იციან, რა უნდათ, მაგრამ სურთ, ისე განვითარდეს მოვლენები, როგორც ზღაპარშია: ბეჭედი, ეტლი და პრინცი თეთრ ცხენზე, რადგან დარწმუნებულნი არიან, რომ მამაკაცებმა უნდა გაანებივრონ, შეუსრულონ სურვილები და ყველაფერზე აიღონ პასუხისმგებლობა. თევზების გულის მოსაგებად ბევრი რამის ცდა მოგიწევთ, მაგრამ მას შემდეგ, რაც ურთიერთობას დაიწყებთ, სულ უნდა გამოავლინოთ სითბო და სიყვარული, რადგანაც ზოდიაქოს ამ ნიშნის წარმომადგენლები განსაკუთრებით ემოციურები არიან.

მერწყული

ზოდიაქოს ამ ნიშნის წარმომადგენლები კომუნიკაბელურები არიან, მაგრამ ეს არ ნიშნავს იმას, რომ ისინი ყველაფერზე გულს გადაგიშლიან. პაემანზე დათანხმება ხშირად უჭირთ. ხოლო, როგორც კი თქვენგან ოდნავ მაინც უყურადღებობას იგრძნობენ, განზე გადგებიან და ურთიერთობაზე უარს იტყვიან. ასევე, მამაკაცს მუდმივად მოუწევს საკუთარი ერთგულება დაამტკიცოს.

ტყუპი

ტყუპ ქალს თავისებური და რთული ხასიათი აქვს, ამიტომაც ისინი ამ სიაში მოხვდნენ. ერთი მხრივ, მათთან დროის გატარება ძალიან საინტერესოა, ყურადღებით მოგისმენენ, შეეცდებიან, საუბარში ჩაერთონ, მაგრამ ზოდიაქოს ამ ნიშნის წარმომადგენლები საოცრად არაპროგნოზირებადი ადამიანები არიან. რა მოსწონთ და აღიზიანებთ, შეიძლება ბოლომდე არ ჰქონდეთ განსაზღვრული, ამიტომაც ხშირად მოგიწევთ, მათ წესებს მოერგოთ.