ბიტკოინი 2009 წელს გამოჩნდა და მაშინვე აზრთა სხვადასხვაობა გამოიწვია.
euronews-ის ინფორმაციით, კრიპტოვალუტას აკრიტიკებენ არასტაბილურობის, ელექტროენერგიის დიდი რაოდენობით მოხმარების გამო, , უმეტესად განვითარებად ქვეყნებში კი მას ენდობიან როგორც უსაფრთხო ნავსადგურს ეკონომიკური ქარიშხლების დროს.
მაგრამ რაც უფრო მეტი ადამიანი მიმართავს კრიპტოვალუტას, როგორც ინვესტიციას ან მაშველს, მით უფრო დგება შეზღუდვის საკითხიც. არსებობს ქვეყნები, სადაც კრიპტოვალუტა შეზღუდული ან აკრძალულია.
ალჟირი
ალჟირმა 2018 წელს მიიღო ფინანსური კანონი, რომელიც უკანონოს ხდის ვირტუალური ვალუტის ყიდვას, გაყიდვას, გამოყენებასა და შენახვას.
ბოლივია
ბოლივიაში 2014 წლიდან არის ბიტკოინი სრულად აკრძალული.
ჩინეთი
ჩინეთი 2021 წლის განმავლობაში ინტენსიურად ანადგურებდა კრიპტოვალუტებს. ხელისუფლებამ მოსახლეობას არარერთი გაფრთხილება გაუგზავნა, რომ ციფრულ აქტივების ბაზარს თავი აარიდონ. ასევე აკრძალულია ვალუტის გაცვლა.
კოლუმბია
კოლუმბიაში ფინანსურ ინსტიტუტებს არ აქვთ უფლება ხელი შეუწყონ ბიტკოინის ტრანზაქციებს.
ეგვიპტე
ეგვიპტეში ისლამურმა საკონსულტაციო ორგანომ 2018 წელს გამოსცა რელიგიური დეკრეტი, 2020 წლიდან კი საბანკო კანონები გამკაცრდა.
ინდონეზია
ინდონეზიაში ეროვნულმა ბანკმა 2018 წლიდან გამოსცა ახალი რეგულაციები, რომელიც კრიპტოვალუტით, მათ შორის ბიტკოინით გადახდას კრძალავს.
ირანი
მიუხედავად იმისა, რომ ირანში ცენტრალური ბანკი კრძალავს საზღვარგარეთ მოპოვებული კრიპტოვალუტით ვაჭრობას, ქვეყანამ წაახალისა ბიტკოინის მაინინგი. იმისათვის, რომ კრიპტო ინდუსტრია აყვავდეს, ირანმა შესთავაზა ლიცენზირებულ მაინერებს იაფი ენერგია, მაგრამ მოითხოვს ყველა მოპოვებული კრიპტოპოსტის გაყიდვას ცენტრალურ ბანკში. თუმცა, არალიცენზირებული მაინინგი ყოველდღიურად იხმარს 2 გვტ-ზე მეტს ეროვნული ქსელიდან, რაც იწვევს ელექტროენერგიის დეფიციტს. ამის შესამცირებლად, ირანის ხელისუფლებამ გამოაცხადა ბიტკოინის მაინინგის 4 თვიანი აკრძალვა 22 სექტემბრამდე.
ინდოეთი
ინდოეთში ჯერ არ გაკეთებულა განაცხადი აკრძალვის შესახებ, მაგრამ ქვეყანა უფრო და უფრო მტრული ხდება კრიპტოვალუტის მიმართ. ამ წლის დასაწყისში მან განიხილა კრიპტო აქტივების ფლობის, გაცემის, მაინინგის, ვაჭრობისა და გადაცემის კრიმინალიზაცია. ეს პოზიცია კი მას შემდეგ შეარბილა, რაც კანონმდებლები განიხილავენ ახალი რეგულაციებს, კრიპტო აქტივებში ინვესტიციების შესაჩერებლად.
ერაყი
ერაყში ხელისუფლება კრიპტოვალუტის გამოყენების დაბლოკვას ცდილობს, მაგრამ ის უფრო და უფრო პოპულარული ხდება. 2017 წელს ცენტრალურმა ბანკმა ბრძანება გამოსცა კრიპტოვალუტის აკრძალვის შესახებ. 2021 წელს ქურთისტანის რეგიონული მთავრობის შინაგან საქმეთა სამინისტრომ გასცა ბრძანება კრიპტოვალუტის გაცვლის შეჩერების შესახებ.
ნეპალი
ნეპალში ბანკმა ბიტკოინი არალეგალურად 2017 წელს გამოაცხადა.
ჩრდილოეთ მაკედონია
ჯერჯერობით ჩრდილოეთ მაკედონია ევროპაში ერთადერთი ქვეყანაა, სადაც ბიტკოინი და სხვა კრიპტოვალუტები ოფიციალურად აკრძალულია.
რუსეთი
რუსეთმა 2020 წლის ივლისში მიიღო პირველი კანონი კრიპტოვალუტის რეგულირებისთვის, რომელმაც პირველად დაასახელა კრიპტოვალუტა, როგორც დაბეგვრის საკუთრება. კანონი, რომელიც ძალაში შევიდა მიმდინარე წლის იანვარში, ასევე უკრძალავს რუს საჯარო მოხელეებს ნებისმიერი კრიპტო აქტივების ფლობას.
რუსეთის პრეზიდენტი ვლადიმერ პუტინი არაერთხელ აკავშირებდა კრიპტოვალუტას კრიმინალურ აქტივობასთან. ივლისში, გენერალურმა პროკურორმა გამოაცხადა ახალი შემოთავაზებული კანონმდებლობა, რომელიც საშუალებას მისცემს პოლიციას კონფისკაცია მოახდინოს კრიპტოვალუტების, რომლებიც მიჩნეულია უკანონოდ მოპოვებულად ქრთამის აღებაში გამოყენების მოტივით.
თურქეთი
თურქეთში ლირა ბევრად დაეცა, რის გამოც ბევრმა კრიპტოვალუტას მიმართა. 2021 წლის 16 აპრილს, თურქეთის რესპუბლიკის ცენტრალურმა ბანკმა გამოსცა რეგულაცია, რომელიც კრძალავს კრიპტოვალუტების, მათ შორის ბიტკოინის, პირდაპირ ან ირიბად გამოყენებას საქონლისა და მომსახურების გადასახდელად. მეორე დღეს, თურქეთის პრეზიდენტი რეჯეფ თაიფ ერდოღანი უფრო შორს წავიდა და გამოსცა განკარგულება, რომ კრიპტობირჟა იმ ფირმების სიას მიეკუთვნება, რომლებიც ექვემდებარება ფულის გათეთრებისა და ტერორიზმის დაფინანსების წინააღმდეგ წესებს.
ვიეტნამი
ვიეტნამის ეროვნულმა ბანკმა გამოაცხადა, რომ ბიტკოინის და სხვა კრიპტოვალუტების გამოშვება, მიწოდება და გამოყენება უკანონოა, როგორც გადახდის საშუალება და ექვემდებარება ჯარიმას 5,600 ევროს ოდენობით.
