კორონავირუსთან საბრძოლველად ვაქცინაცია ადამიანს ეხმარება, მაგრამ უკვე აცრილი ადამიანების ინფიცირების შემთხვევებიც ფიქსირდება.
გამოცემა bestlifeonline-ს ინფორმაციით, არიზონას ჯანდაცვის მეცნიერებათა უნივერსიტეტის მკვლევარებმა დაასკვნეს, რომ ვაქცინირებულ ადამიანებს, რომლებსაც ინფიცირება უდასტურდებათ, რამდენიმე საერთო აქვთ.
კვლევისთვის 172 ინფიცირებული ადამიანის მონაცემი შეისწავლეს. მათგან 5 სრულად, 11 კი ნაწილობრივ იყო აცრილი, 156 -ს აცრა არ ჰქონდა გაკეთებული.
მკვლევარებმა დაადგინეს, რომ ვაქცინაციის შემდეგ COVID–19-ით დაინფიცირებულ რამდენიმე მონაწილეს სამი საერთო რამ ჰქონდა. ეს თვისებებია დაბალი ვირუსული დატვირთვა, ინფიცირებას განიცდიდნენ ხანმოკლე პერიოდის განმავლობაში და ჰქონდათ შედარებით მსუბუქი სიმპტომები, ვიდრე დაინფიცირებულებს, რომლებიც არ არიან აცრილები.
COVID–19 ის ადრეულმა გამოკვლევებმა ივარაუდა, რომ ვირუსული დატვირთვა მნიშვნელოვან როლს ასრულებს დაავადების მიმდინარეობის სიმძიმეში.
კვლევის მიხედვით, ვაქცინირებული ადამიანების დაინფიცირების შემთხვევა 66%-ით ნაკლებია აუცრელ ადამიანებთან შედარებით, ვაქცინირებული ადამიანების ინფიცირების შემთხვევაში კი 58%-ით ნაკლებია სიცხე.
