რა დაავადებებს კურნავს შავი პილპილი

შავი პილპილი ეხმარება წონის დაკლებაში, სინუსიტის, ასთმის და გაჭედილი ცხვირის დროს. ამცირებს სიმსივნით დაავადების რისკს, გულისა და ღვიძლის დაავადებების განვითარებას.

შავ პილპილში არსებული ანტიოქსიდანტები ხელს უშლის თავისუფალი რადიკალების მიერ მიყენებულ ზიანს და ამასთან, ეხმარება ბევრი დაავადების პრევენციას. ცნობილი მკვლევერის ჯი ზენგის მიერ ჩატარებული ექსპერიმენტის თანახმად, შავ პილპილში შემავალ პიპერინს აქვს სიმსივნის საწინააღმდეგო თვისება რამდენიმე ტიპის კიბოსთან მიმართებაში – მკერდის, კოლორექტალური და პროსტატის.

პილპილის მარცვლების გარეთა შრე ეხმარება ცხიმის უჯრედების დაშლას. ამგვარად, პილპილიანი საკვები ბუნებრივად წონაში კლების კარგი საშუალებაა. როდესაც ცხიმის უჯრედები ნაწილებად იშლება, ისინი ადვილად მუშავდება ორგანიზმის მიერ და შედეგად თავისუფლდებით ჭარბი წონისგან. ჩაი პილპილთან ერთად ერთ-ერთი საუკეთესო ჩაია გასახდომად.

პილპილის მოხმარება ზრდის მარილმჟავას სეკრეციას კუჭში და ამით ხელს უწყობს საჭმლის მონელებას. საჭმლის მომნელებელი სისტემის გამართულად მუშაობა მნიშვნელოვანია კუჭ-ნაწლავის პრობლემების თავიდან ასაცილებლად – დიარეას, ყაბზობის და კოლიკას ჩათვლით. პილპილი ასევე ხელს უშლის ნაწლავებში გაზების დაგროვებას და როდესაც მას უმატებენ რაციონს, შეუძლია ოფლისა და შარდის გამოყოფა.

ოფლდენა ხელს უწყობს ტოქსინებისა და უცხო სხეულების გამოდევნას ფორებიდან, სადაც ისინი სახლობენ. მას ასევე უნარი აქვს გამოდევნოს ზედმეტი წყალი. შარდს ორგანიზმიდან გამოაქვს შარდმჟავა, შარდოვანა, ზედმეტი წყალი და ცხიმი (საინტერესო ფაქტი: შარდის 4%-ს ცხიმი შეადგენს).

კარგი საჭმლის მომნელებელი სისტემა ორგანიზმს ეხმარება წონის დაგდებაში, აუმჯობესებს მთელი ორგანიზმის საერთო მდგომარეობას და თავიდან იცილებს კუჭ-ნაწლავთან დაკავშირებულ პრობლემებს.

პილპილს შეუძლია დაეხმაროს ვიტილიგოს (კანის დეპიგმენტაცია) შემთხვევაში – ეს კანის დაავადებაა, რა დროსაც კანის რაღაც ნაწილები ნორმალურ შეფერილობას კარგავს და თეთრდება. ორეგონის ჯანმრთელობისა და მეცნიერების უნივერსიტეტში ჩატარებული კვლევის თანახმად პილპილში პიპერინის შემცველობას შეუძლია მელანოციტების გამომუშავების სტიმულირება მოახდინოს. პიპერინით მკურნალობა, კომბინირებული მსუბუქ ულტრაიისფერი სხივების თერაპიასთან, გაცილებით უკეთესია ვიდრე სხვა უფრო უხეში, ქიმიურ ნივთიერებებზე დაფუძნებული საშუალებები ვიტილიგოს გასაკურნად. ის ასევე ამცირებს კანის კიბოს რისკებს.

პრაქტიკაში პილპილს უმატებდნენ ტონიკებს გაციებისა და ხველის სამკურნალოდ. პილპილი ასევე ამსუბუქებს მდგომარეობას სინუსიტის დროს. მას აქვს ექსპექტორატორული თვისება, რომელიც ხელს უწყობს ლორწოს და ლორწოვანი გარსის დაშლას სასუნთქ გზებში. მისი ბუნებრივი გამაღიზიანებელი თვისება ხელს უწყობს მათ გამოდევნას ცემინებისა და ხველის მეშვეობით, რაც საშუალებას გაძლევთ გამოჯანმრთელდეთ ინფექციის ან დაავადებისგან. სუფები და სასმელები შავი პილპილით და სხვა არომატული სანელებლებით ხშირად გამოიყენება გაციებისა და ხველის სამკურნალოდ.

შავი პილპილის ანტიბაქტერიული თვისება ეხმარება ინფექციებთან და მწერის ნაკბენებთან გამკლავებაში. პილპილის რაციონში დამატება ხელს უწყობს არტერიების გასუფთავებას მისი კედლებიდან ზედმეტი ქოლესტერინის მოშორების საშუალებით. რის შედეგადაც ათეროსკლეროზის განვითარების რისკი მცირდება, რამაც შეიძლება გამოიწვიოს გულის შეტევა და ინსულტი. შავ პილპილში წარმოდგენილი ნაერთები აქტიურად ებრძვის ოქროსფერ სტაფილოკოკს.

ჩატარებული კვლევების თანახმად შავი პილპილი ეხმარება სხვა მცენარეების და ნაერთებისაგან მიღებული სარგებლის გადატანას ორგანიზმის სხვადასხვა ნაწილში და მაგვარად, ზრდის იმ საკვების სასრგებლო ნივთიერებების შეთვისებას, რომელსაც ჩვენ მოვიხმართ. ამიტომაც, როდესაც მას კერძს ვუმატებთ, ეს არა მხოლოდ გემოს აუმჯობესებს, არამედ მკვებავი ნივთიერებებს უფრო ხელმისაწვდომს ხდის ჩვენი სისტემისთვის.

პიპერინმა, რომელიც ერთ-ერთი ძირითადი კომპონენტია შავ პილპილში, უამრავ კვლევაში აჩვენა, რომ მას შეუძლია ხელი შეუშალოს მეხსიერების გაუარესებას და კოგნიტურ გაუმართაობას. ტვინში არსებული ნერვული გზების სტიმულირება ამ ორგანული ნაერთის მეშვეობით ხდება. ადრეულმა კვლევებმა დემონსტრირება მოახდინა შავი პილპილის სარგებლზე ალცჰეიმერით დაავადებული პაციენტებისთვის და მათთვის, ვინც ასაკთან დაკავშირებული კოგნიტური დისფუნქციით იტანჯება.

არაერთმა კვლევამ დაადასტურა, რომ შავ პილპილს თავისი ანტიოქსიდანტური და ანთების საწინააღმდეგო თვისების წყალობთ, შეუძლია პოზიტიური გავლენა მოახდინოს კუჭის ლორწოვანი გარსის დაზიანებაზე და პეპტიურ წყლულებზე.

ზოგიერთ შემთხვევაში შავი პილპილი შეიძლება იყოს კარგი სამკურნალო საშუალება რესპირატორული პრობლემების დროს მისი ამოსახველებელი და ძლიერი ანთების საწინააღმდეგო თვისებების გამო.