გაიგეთ, რა ემართება სხეულს, თუ ჩაის ხშირად და ზომაზე მეტს დალევთ.
დიდი რაოდენობით მაგარ ჩაის კბილების დაშლა და მთელი სხეულის ძვლების მტვრევადობის გამოწვევა შეუძლია. ამასთან საქმე მხოლოდ შავ ჩაის არ ეხება: ზოგიერთი მცენარეული ჩაი კბილების ეროზიას დაბალი შემცველობის pH-ის (მჟავიანობა) გამო იწვევს, აზიანებს ემალს, ძირითად დამცავ ფენას. ასეთი ჩაი გაცილებით მეტ ზიანს აყენებს, ვიდრე ფორთოხლის კონცენტრატი. ეს უნდა იცოდნენ მათ, ვინც ხშირად სვამს ჩაის გახდომისა და დეტოქსიკაციის მიზნით: მათ უნდა მიიღონ ჩაი pH-ის მაღალი შემცველობით. საერთო ჯამში, დიეტოლოგები გვირჩევენ, დღეში 4 ფინჯანზე მეტი ჩაი არ დავლიოთ.
რაც უფრო დიდხანს ინახება ჩაი, მით უფრო ტოქსიკური ხდება. ჩაის დაყენების უსაფრთხო დრო – 3 წუთია. უფრო გვიან კი ჩაის ფოთლებიდან წყალში მძიმე მეტალი გამოიყოფა. ალტერნატივის სახით, ყოველთვის შეგიძლიათ აირჩიოთ თეთრი ჩაი: რადგან მის ახალგაზრდა ფოთლებს აგროვებენ, ვიდრე მასზე მავნე მეტალები დაილექება. მწვანე ჩაი აზიანებს ღვიძლს რამდენად უცნაურიც არ უნდა იყოს, ჩაის, რომელსაც ორგანიზმის წმენდისთვის სვამენ, დიდი რაოდენობით მიღებას ზიანის მიყენება შეუძლია. ნიუ ჯერსის უნივერსიტეტის თანამშრომლებმა დაამტკიცეს, რომ დღეში 2 ფინჯანზე მეტი მწვანე ჩაი, შესაძლოა ღვიძლის დაშლის მიზეზი გახდეს. ესპანელმა მეცნიერებმა ამას ისიც დაურთეს, რომ ფოლიუმის მჟავის ცუდი გაჯერების გამო, ფეხმძიმობის დროს პათოლოგიის რისკი იზრდება. საქმე იმაშია, რომ მწვანე ჩაი, შავისგან განსხვავებით, რომელსაც გადამუშავებისთვის მეტი დრო სჭირდება, შეიცავს პოლიფენოლებს. სწორედ ეს ნივთიერებები ტვირთავს ღვიძლს.
ზედმეტი სითხისა და ტოქსინების გარდა, დიდი რაოდენობით მწვანე და შავი ჩაის მიღება, ორგანიზმიდან გამოდევნის მიკროელემენტებს – მაგნიუმს, კალციუმსა და რკინას. რკინისნაკლებობა კი კანისა და თმის მდგომარეობის გაუარესებას იწვევს, ამაში დამნაშავე კი კოფეინია. ექიმები გვირჩევენ, ჩაი დიდხანს არ ვადუღოთ და არ დავლიოთ ის საკვებთან ერთად – დაე, ჩაის დალევამდე 20 წუთი გავიდეს.
ჩაისთვის ოპტიმალური ტემპერატურა – 50 გრადუსია (ამისათვის ახლადმოდუღებულ ჩაის გაგრილებამდე 5 წუთი დაელოდეთ). წინააღმდეგ შემთხვევაში, რეგულარულად ცხელი ჩაის დალევა საყლაპავის ეროზიასა და ცხვირ-ხახის კაპილარების დაზიანებას გამოიწვევს. სიცხიანი ავადმყოფებისთვის ჩაი ძალიან სასარგებლო სასმელად მიიჩნევა, რაც მითია. ბრიტანელმა ფარმაკოლოგებმა გაარკვიეს, რომ ასეთ ცხელ სასმელს ზიანი მოაქვს, რადგან ჩაიში შემცველი ტეოფილინი ტემპერატურას კიდევ უფრო ზრდის. საბედნიეროდ, მოყვანილი არგუმენტები არ გვაიძულებს ჩაიზე საბოლოოდ ვთქვათ უარი. საკმარისია მისი რაოდენობის შემცირება, სიმაგრისა და ტემპერატურის დარეგულირება.
