მიწის სტიქიის ნიშნები – კურო, ქალწული, თხის რქა
მიწა მატერიალური სამყაროს სიმბოლოა და ყველაფერი, რაც ჩვენს ირგვლივაა, საგნები, საკვები, ტანსაცმელი, ავეჯი თუ სხვა, მიწას უკავშირდება. ამ სტიქიის წარმომადგენლებს მატერიალური სიკეთეების შექმნის კარგი უნარი აქვთ. არიან საკმაოდ კრეატიული და შემოქმედებითი ადამიანები და დიდი მოთმინებით, გამძლეობით მაინც აღწევენ იმას, რასაც მიზნად დაისახავენ. მათ ზუსტად იციან, როგორ მოუარონ თავიანთ ნივთებს, იზრუნონ მნიშვნელოვან შენაძენზე და ფინანსები უმიზნოდ არ დახარჯონ. ისინი საკმაოდ სტაბილური და დაკვირვებული ნიშნები არიან.
ჰაერის სტიქიის ნიშნები – ტყუპები, სასწორი, მერწყული
ჰაერი გარემოსთან ურთიერთობის მთავარი მამოძრავებელი ძალაა. ჰაერის ნიშნის წარმომადგენლებს საკმაოდ კარგი კომუნიკაციის უნარი აქვთ. არიან დადებითი ადამიანები და სულ ცდილობენ, სხვების მიმართ სითბო გამოხატონ. ხშირად ისინი საოცარი იუმორის გრძნობით არიან დაჯილდოებულნი და ყველა რთული სიტუაციის განმუხტვა შეუძლიათ. არ უყვართ კონფლიქტები და საკმაოდ მშვიდობისმოყვარე ადამიანები არიან.
ცეცხლის სტიქიის ნიშნები – ვერძი, ლომი, მშვილდოსანი
ცეცხლი ენერგიასთან ასოცირდება და ამ სტიქიის წარმომადგენლებიც საკმაოდ აქტიური ადამიანები არიან. აქვთ ლიდერობის სურვილი. გარდა ამისა, შეუძლიათ საკუთარი ენერგიის გაკონტროლება და საჭირო დროს გამოყენება. სულ ცდილობენ, რომ წინ წავიდნენ და ერთ ადგილზე ცხოვრების არც ერთ სფეროში არ გაჩერდნენ. მათ მხოლოდ მატერიალური ფასეულობები არ აინტერესებთ, სურთ, რომ ყველაფერი გააკონტროლონ და ნებისმიერ სიტუაციაში თავად იყვნენ დომინანტურ პოზიციაში.
წყლის სტიქიის ნიშნები – კირჩხიბი, მორიელი, თევზები
წყალი ჩვენი არსებობის წყაროა და ხშირად ამ სტიქიის წარმომადგენლები ცხოვრების ძიების პროცესში არიან. აქვთ საკმაოდ დიდი ცოდნა და გამოცდილება და მათთან ერთად თავი სტაბილურად შეგიძლიათ იგრძნოთ. ამ სტიქიის წარმომადგენლები გასაოცარი ენერგიით არიან სავსე და ყველაფერს აკეთებენ, რომ მიზანი მიაღწიონ. ძალიან ბევრი ადამიანისათვის კი შთაგონების წყარო ხდებიან და ლიდერულ პოზიციასაც იკავებენ.
ავტორი
