საქართველოს პრეზიდენტმა სალომე ზურაბიშვილმა დეკლარაცია 2021 წლის 18 მარტს შეავსო.
ცნობისთვის, პრეზიდენტის დეკლარაცია არ შეიცავს მონაცემებს სალომე ზურაბიშვილის ოჯახის წევრების შესახებ.
დეკლარაციის მიხედვით, სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებული შემოსავალი (ხელზე აღებული თანხა) 66240 ლარია.
პრეზიდენტის, წინა წლის პირველი იანვრიდან 31 დეკემბრის ჩათვლით დაგროვებითი პენსიის შედეგად შემოსავალი, 30280,92 ლარია, ქველმოქმედება- ფონდში გაწეული ხარჯის შედეგად გასავალი- 49520 ლარი, ქველმოქმედებაში დახარჯული თანხა კი 28 806 ლარს შეადგენს.
დეკლარაციის მიხედვით, სალომე ზურაბიშვილს 2006 წელს საქართველოში, თბილისში, კუფტინი 5 ნომერში აქვს საცხოვრებელი სახლი 126,33 კვ.მ-ის ფართობი საკუთრებაში, ასევე 2006 წლით თარიღდება სალომე ზურაბიშვილის საკუთრებაში არსებული მიწის ნაკვეთი 235 კვ.-ის ფართობის ისევ კუფტინის 5 ნომერში, რომლის ღირებულებაც ნასყიდობის ხელშეკრულების მიხედვით 160 000 ამერიკული დოლარია.
გარდა ამისა, სალომე ზურაბიშვილი ფლობს 60 კვადრატული მეტრის ფართობის ბინას პარიზში, რომელიც დეკლარაციის მიხედვით 1989 წელს აქვს შენასყიდი და მისი ღირებულება 150 000 ევროა.
დეკლარაციის მიხედვით, სალომე ზურაბიშვილს საქართველოს ბანკის ანაბარზე 30 000 აშშ დოლარი აქვს, სახელფასო ანგარიშზე 1940,47 ლარი, société générale Paris-ზე 62 378, 55 ევრო.
