ლანჩხუთის ქუჩებში თანამედროვე სტანდარტების შესაბამისი საზოგადოებრივი ტრანსპორტი გამოჩნდა, რომლით მგზავრობისას მოსახლეობას შესაძლებლობა ექნება კომფორტულად, თანამედროვე სტანდარტების შესაბამისი საზოგადოებრივი ტრანსპორტით ისარგებლოს.
“მუნიციპალიტეტის მერიამ, 5 ახალი, ISUZU- ს მარკის ავტობუსი საქართველოს მთავრობის მხარდაჭერით შეიძინა. ახალი საზოგადოებრივი ტრანსპორტი 21 მგზავრზეა გათვლილი და ადაპტირებულია შეზღუდული შესაძლებლობის მქონე პირებზე”, – ფეისბუქგვერდზე გაავრცელა ინფორმაცია ლანჩხუთის მერიამ.
მერიისვე ინფორმაციით, მგზავრობის საფასურის გადახდა ამ დროისთვის შესაძლებელია მხოლოდ საქართველოს ბანკის ბარათებით ან სპეციალური ბარათით, რომელიც უნდა შეიძინოთ მისამართებზე: ჟორდანიას ქუჩა N118 მაღაზია ,,არჩეული” და ჟორდანიას ქუჩა N 122 შპს ,,ქენდი”. ბარათის ღირებულება კი 2 ლარი.
ახალი ავტობუსები იმოძრავებენ შემდეგი მიმართულებით: ლანჩხუთი-ჩოჩხათი-შრომისუბანი; ლანჩხუთი-აცანა- მამათი; ლანჩხუთი-სუფსა-წყალწმინდა; ეწრისა და ჯაპანის მიმართულებით კი ორი ავტობუსი იმოძრავებს.
ლანჩხუთიდან ეწრისა და ჯაპანის მიმართულებით საზოგადოებრივი ტრანსპორტი პირველ რეისს დილის რვა საათზე განახორციელებს, ხოლო ბოლო რეისი ამ სოფლების მიმართულებით საღამოს 6 საათზე გავა.
სიახლეს მოსახლეობა კმაყოფილებით შეხვდა და ისურვებენ, რომ თანამედროვე სტანდარტების შესაბამისმა ტრანსპორტმა უფრო მეტად მოიცვას მუნიციპალიტეტის სოფლები და რეისები დაემატოს.
თამარ უჯარაშვილი: –”დანარჩენმა სოფლებმა რა დააშავეს?”
რიტა გობრონიძე: –”ჩოჩხათი–სუფსა დანიშნულიყო, ურიგო არ იქნებოდა, მუსიკალური სკოლის ბავშვებს გამოადგებოდა, ფეხით რომ დადის ჩოჩხათიდან სუფსამდე ნახევარზე მეტი”.
ნინო მექვაბიშვილი: –“შრომისუბანი,მოედანი ? პირველად ჩამონათვალში შედიოდა ეს მარშრუტი და რატომ ამოიღეს?” ელენე ნადირაშვილი: –”ლანჩხუთი–არჩული–მოედანი სადაა!? ” თეონა გიორგაძე:–” ჩოჩხათიდან სუფსამდეც არ იქნება ურიგო, რომ იყოს ტრანსპორტი“.
ანდრია ტუღუში:–”მოედნელმა ხალხმა რა ქნას?!”
გიო ჟღენტი:–”გრიგოლეთიც აუცილებელია, თან ლანჩხუთის საკურორტო ზონაა, წრიულიც შეიძლება სუფსა– წყალწმინდა–გრიგოლეთი–ლანჩხუთი. ნინო ორაგველიძე:–”ძალიან კარგია, ლანჩხუთი–ოზურგეთიც რომ ამოქმედდებოდეს კარგი იქნება”.
მოქალაქეთა მხრიდან გაჟღერებული ინფორმაციით, საზოგადოებრივი ტრანსპორტის თემა საკმაოდ მტკივნეულია აკეთის ადმინისტრაციული ერთეულის მოსახლეობისთვის “აკეთი, გაგური, ამ სოფლებზეც იზრუნოთ იქნებ. მხოლოდ ერთი რეისი “რაფი” დადის და ჭირს მგზავრობა. ლანჩხუთიდან 2 საათიანს რომ ვერ გაყვე,ფაქტობრივად დარჩენილი ხარ ქალაქში სოფლიდან ჩამოსული და ტაქსების ფულიც ვის აქ დღეს?! იქნებ იზრუნოთ ამ სოფლებზეც”,–თხოვნით მიმართავს ადგილობრივ ხელისუიფლებას ელზა ხუჯაძე.
მაია ხუხუნაიშვილი: –“ძალიან კარგია, მაგრამ აკეთი, ჭანჭათი რატომ დატოვეს? ოთხი სოფელია”.
ავტორი
